Qasym-Jomart Toqaev Arizona ýniversitetiniń (AQSh) delegatsiiasymen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Arizona ýniversiteti men otandyq joǵary oqý oryndary arasyndaǵy strategiialyq seriktestik, ǵylymi jáne akademiialyq damý máseleleri talqylandy.
Prezidenttiń aitýynsha, jahandaný úderisiniń álem elderindegi bilim berý saiasatyna tigizetin áseri artyp keledi.
– Keiingi jiyrma jyl ishinde elimiz joǵary bilim berý salasyndaǵy halyqaralyq yntymaqtastyqty jandandyrdy. Qazaqstan men AQSh arasyndaǵy seriktestik qatynastar kóptegen salany qamtidy. Ásirese, ǵylymi zertteý jáne stýdentter men oqytýshylar almasý salalaryndaǵy yqpaldastyq mańyzdy sanalady, – dedi Memleket basshysy.
Qasym-Jomart Toqaev álemniń jetekshi joǵary oqý oryndarymen bailanystardyń keńeiýi otandyq ýniversitetterdiń akademiialyq jáne zertteýshilik áleýetin arttyrýǵa múmkindik beretinin aitty. Prezident Arizona ýniversitetiniń Qazaqstan Respýblikasy Bilim jáne ǵylym ministrliginiń strategiialyq seriktesi bolý, sondai-aq, bilim berý sapasyn birlese arttyrý jónindegi bastamasyna qoldaý bildirdi.
Amerikalyq joǵary oqý ornymen yntymaqtastyq aiasynda óńirlik ýniversitetter bazasynda halyqaralyq standarttarǵa sai birlesken bilim baǵdarlamalary ázirlenedi.
Arizona ýniversitetiniń ókilderi Qazaqstannyń birqatar joǵary oqý oryndaryna bardy. Sonyń ishinde M.Qozybaev atyndaǵy Soltústik Qazaqstan ýniversiteti strategiialyq seriktes retinde qarastyrylyp otyr.
