Qazaqstan Prezidenti Qasym-Jomart Toqaev Almaty qalasynyń ýrbanistika ortalyǵynda boldy, dep habarlaidy "Ult aqparat" Aqordaǵa silteme jasap.
Qasym-Jomart Toqaevqa tsifrlyq geoaqparattyq ortalyqtyń, «Almaty bas jospary» ǵylymi-zertteý institýtynyń, Almaty damý ortalyǵynyń jáne «Open Almaty» qoǵamdyq qabyldaýynyń jumystary týraly aqparat berildi. Memleket basshysy qalany odan ári abattandyrý josparymen tanysyp, shahardyń 3D-kórinisindegi golografikalyq pishinin qarady.
Qazaqstan Prezidentine Almaty indýstriialyq aimaǵyndaǵy negizgi infraqurylymdyq jobalardyń júzege asyrylýy týraly baiandaldy. Munda japon, korei, qytai, nemis jáne basqa da sheteldik investitsiialar esebinen 5 myń jumys ornyn ashýǵa múmkindik bergen, quny 144 mlrd teńge bolatyn 39 joba iske asyrylýda. Indýstriialyq aimaqta birneshe joba ornalastyrylǵan. Atap aitqanda, «Hyundai Trans Kazakhstan» jaýapkershiligi shekteýli seriktestigi, elektr avtobýstaryn shyǵaratyn «Falcon Euro Bus» jaýapkershiligi shekteýli seriktestigi, «Tokyo Rope Almaty» jaýapkershiligi shekteýli seriktestigi, óńdeý, tamaq jáne jeńil ónerkásibi, qaldyqtardy suryptaý kesheni siiaqty kásiporyndar.
Sońynda Memleket basshysy Almaty qalasyn damytý jóninde birqatar naqty tapsyrma berdi.
