Memleket basshysy Almaty qalasyna jasaǵan jumys sapary barysynda Áleýmettik qyzmet kórsetý úiin aralap kórip, ony qaita qalpyna keltirý jumystarymen tanysty, dep habarlaidy Aqordanyń baspasóz qyzmeti.
Bul mekeme halyqtyń áleýmettik jaǵdaiy tómen toptaryna, tirshilik jaǵdaiymen júgingen azamattarǵa «bir tereze» qaǵidaty boiynsha ár túrli salada qyzmet kórsetedi.
Qazaqstan Prezidenti mundai ortalyq ashý bastamasyn qoldap, halyqqa kómek kórsetý jumystarynyń mańyzdylyǵyn atap ótti.
– Pandemiiaǵa qaramastan, azamattarymyzdy áleýmettik turǵydan qamtamasyz etý máselelerimen ainalysý mańyzdy. Bul – basym ári strategiialyq mindet. Sondyqtan biryńǵai áleýmettik qamtý ortalyǵynyń salynýyn qoldaimyn. Bul – durys bastama. Muny tiimdi júzege asyrý kerek, – dedi Qasym-Jomart Toqaev.
