Memleket basshysy Aqordada oblystardyń jáne Nur-Sultan, Almaty, Shymkent qalalarynyń ákimderimen keńes ótkizdi.
Qazaqstan Prezidenti óz sózinde óńirlerdiń áleýmettik-ekonomikalyq damý máselelerin shuǵyl sheshý úshin ákimderdiń aldyna birqatar mindet qoidy.
Qasym-Jomart Toqaev ákimder korpýsyna halyqtyń talaptaryn júieleýdi jáne olardy sheshý úshin jan-jaqty jumys júrgizýdi, sondai-aq, olardyń qajettiligi óńirdiń áleýmettik jol kartasynda kórinis tabýy kerek ekenin tapsyrdy.
Memleket basshysynyń pikirinshe, óńirlik bilik oblystarmen qalalardaǵy turaqtylyq úshin jaýapkershilikti ózderine alýy tiis.
Sonymen qatar, Qazaqstan Prezidenti aldaǵy astyq jinaý naýqanyna daiyndyq jumystaryn júrgizýdi, dala men orman órtterin eskertý jáne onyń aldyn alý sharalaryn qabyldaýdy, sondai-aq jylý berý maýsymyna ázirlik júrgizýdi, turǵyn úi-kommýnaldyq sharýashylyq nysandarynyń toqtaýsyz jumys isteýin qamtamasyz etýdi tapsyrdy.
Sońynda Qasym-Jomart Toqaev búgingi qoiylǵan barlyq mindettiń iske asyrylýyn baqylaýdy Prezident Ákimshiligine júktedi.
Jiynnan keiin Memleket basshysy oblystyń jáne respýblikalyq mańyzy bar qalalardyń ákimderin qabyldady.
