Qazaqstan Prezidenti akademik Serikbek Dáýkeidi qabyldady, dep habarlaidy "Ult aqparat" Aqordaǵa silteme jasap.
Kezdesý barysynda geologiia salasyn damytýdyń, salalyq ministrlik qurylǵannan keiingi qolǵa alynǵan reformalardyń oryndalý barysynyń, sonymen qatar, jer qoinaýyn zertteý baǵytynda qabyldanǵan memlekettik jáne zańnamalyq qoldaý sharalarynyń ózekti máseleleri talqylandy.
Qasym-Jomart Toqaevqa Jer qoinaýyn paidalaný Kodeksine ózgertýler engizý jóninde usynys berildi. Atalǵan usynys geologiialyq zertteý júrgizý jáne jer qoinaýyn tiimdi paidalaný isinde memlekettiń rólin kúsheitedi.
Prezident atalǵan salany odan ári damytýdyń, jańa ken oryndaryn ashý úshin zamanaýi, ǵylymi ádisterdi paidalanýdyń jáne mineraldy-shikizat bazasynyń qoryn arttyrýdyń erekshe mańyzdylyǵyn atap aitty.
