Foto: Polisia.kz
Ishki ister ministrliginde politsiia jumysynyń tiimdiligin arttyrýǵa jáne azamattardyń qaýipsizdigin qamtamasyz etýge baǵyttalǵan tsifrlyq tehnologiialardy júieli túrde engizý jumysy jalǵasýda. Solardyń biri - búginde elimizdiń barlyq óńirinde keńinen qoldanylyp jatqan drondar, dep habarlaidy Ult.kz.
Jol qaýipsizdigi
Pilotsyz ushý apparattary jol qaýipsizdigin qamtamasyz etýde joǵary tiimdi qural retinde tanyldy. Zamanaýi kameralarmen jabdyqtalǵan drondar jol júrisi qaǵidalarynyń buzylýyn naqty ýaqyt rejiminde tirkep, kúrdeli jol ýchaskelerin baqylaýǵa jáne derekterdi jedel politsiiaǵa jiberýge múmkindik beredi.
20 shaqyrymǵa deiingi ushý qashyqtyǵy magistraldar men qoljetimdiligi qiyn aýmaqtardy qosa alǵanda tolyqqandy áýeden patrýldeý júrgizýge jaǵdai jasaidy.
Drondardyń kómegimen jol qozǵalysy erejeleriniń alty myńnan astam buzýshylyǵy anyqtaldy. Áýeden turaqty baqylaý jol-kólik oqiǵalarynyń aldyn alýǵa jáne yqtimal qaýipti jaǵdailarǵa der kezinde áreket etýge múmkindik beredi.
Buqaralyq is-sharalardaǵy qoǵamdyq tártip
Kontsertter, sporttyq matchtar jáne merekelik is-sharalar kezinde drondar baqylaýdyń negizgi elementine ainaldy. Kameralar adamdardyń shoǵyrlanǵan jerlerin baqylaidy, kúdik týdyratyn áreketterdi ýaqytyly anyqtaýǵa múmkindik beredi jáne politsiia jasaqtaryn problemalyq aimaqtarǵa jedel jiberýge jaǵdai jasaidy.
Áýe monitoringi qoǵamdyq tártipti qamtamasyz etý jáne politsiia kúshterin tiimdi basqarý múmkindikterin aitarlyqtai keńeitedi.
Jedel qyzmet
Pilotsyz ushý apparattary oqiǵa oryndaryn qaraý, joǵalǵan adamdardy izdeý, qylmys izderin qujattandyrý jáne qylmystyq ahýaldy baqylaý barysynda belsendi qoldanylady. Aerofototúsirilim, beinetirkeý jáne naqty ýaqyttaǵy baqylaý jinalatyn dálelderdiń sapasyn arttyryp, tergeý protsesin jedeldetedi.
Shymkenttegi "Qarasora" jáne "Quqyqtyq tártip" jedel-aldyn alý is-sharalaryn mysal retinde keltirýge bolady. Sintetikalyq esirtki satty dep kúdikke ilingen 44 jastaǵy áieldiń qozǵalysy dron arqyly baqylaýǵa alyndy. Bul onyń qylmys ústinde ustalýyna múmkindik berdi. Kóliktiń júk salǵyshynan eki keliden astam esirtki tabyldy.
IIM-niń tsifrlyq transformatsiiasy
Pilotsyz ushý apparattaryn qoldaný - Ishki ister ministrliginiń tsifrlyq transformatsiia baǵdarlamasynyń mańyzdy bóligi. Drondar tek tehnikalyq jańalyq qana emes, kúndelikti politsiia qyzmetinde qoǵamdyq tártipti qamtamasyz etýge, jol qaýipsizdigin arttyrýǵa jáne qylmystardy ashýǵa kómektesetin naqty quralǵa ainaldy.
