Foto: Polisia.kz
Ishki ister ministrligi politseiler Respýblika kúni qarsańynda kúsheitilgen rejimge kóshetinin habarlady. IIM Ákimshilik politsiia komiteti Erekshe tapsyrmalar jónindegi aǵa inspektory Aidyn Orazbaevtyń aitýynsha, kúsheitilgen rejim erteń, 24 qazannan bastap barlyq respýblika boiynsha engiziledi.
"24-26 qazan aralyǵynda barlyq jeke quram qyzmet atqarýdyń kúsheitilgen rejimine aýystyrylady. Ákimdiktermen birlesip, mádeni buqaralyq is-sharalar ótetin oryndar belgilendi. Quqyqtyq tártipti qamtamasyz etiletin kúshter men quraldardyń esebi daiyndaldy.
Osy kúnderi qoǵamdyq tártipti saqtaýǵa tartylatyn politsiia qyzmetkerleri men Ulttyq ulan áskeri qyzmetshileriniń sanyn 20 myńǵa deiin kóbeitý kózdelgen. Politsiia jasaqtary jurt kóp jiylatyn jáne demalatyn oryndarǵa jaqyndatylady", - dedi IIM ókili.
Orazbaevtyń aiýtynsha, bul oryndar jedel basqarý ortalyqtarynyń beinebaqylaý kameralarymen baqylaýǵa alynady.
"Ahýaldy baqylaý úshin ministrlikte Jedel shtab jumys isteidi. Buǵan uqsas shtabtar barlyq óńirde ashylady. Jalpy ministrlik "Respýblika kúni" azamattardyń qaýipsizdigi men tártipti qamtamasyz etýge bar kúshin salady", - dedi ol
