فوتو: Polisia.kz
ٸشكٸ ٸستەر مينيسترلٸگٸ پوليتسەيلەر رەسپۋبليكا كٷنٸ قارساڭىندا كٷشەيتٸلگەن رەجيمگە كٶشەتٸنٸن حابارلادى. ٸٸم ەكٸمشٸلٸك پوليتسييا كوميتەتٸ ەرەكشە تاپسىرمالار جٶنٸندەگٸ اعا ينسپەكتورى ايدىن ورازباەۆتىڭ ايتۋىنشا, كٷشەيتٸلگەن رەجيم ەرتەڭ, 24 قازاننان باستاپ بارلىق رەسپۋبليكا بويىنشا ەنگٸزٸلەدٸ.
"24-26 قازان ارالىعىندا بارلىق جەكە قۇرام قىزمەت اتقارۋدىڭ كٷشەيتٸلگەن رەجيمٸنە اۋىستىرىلادى. ەكٸمدٸكتەرمەن بٸرلەسٸپ, مەدەني بۇقارالىق ٸس-شارالار ٶتەتٸن ورىندار بەلگٸلەندٸ. قۇقىقتىق تەرتٸپتٸ قامتاماسىز ەتٸلەتٸن كٷشتەر مەن قۇرالداردىڭ ەسەبٸ دايىندالدى.
وسى كٷندەرٸ قوعامدىق تەرتٸپتٸ ساقتاۋعا تارتىلاتىن پوليتسييا قىزمەتكەرلەرٸ مەن ۇلتتىق ۇلان ەسكەري قىزمەتشٸلەرٸنٸڭ سانىن 20 مىڭعا دەيٸن كٶبەيتۋ كٶزدەلگەن. پوليتسييا جاساقتارى جۇرت كٶپ جيىلاتىن جەنە دەمالاتىن ورىندارعا جاقىنداتىلادى", - دەدٸ ٸٸم ٶكٸلٸ.
ورازباەۆتىڭ ايۋتىنشا, بۇل ورىندار جەدەل باسقارۋ ورتالىقتارىنىڭ بەينەباقىلاۋ كامەرالارىمەن باقىلاۋعا الىنادى.
"احۋالدى باقىلاۋ ٷشٸن مينيسترلٸكتە جەدەل شتاب جۇمىس ٸستەيدٸ. بۇعان ۇقساس شتابتار بارلىق ٶڭٸردە اشىلادى. جالپى مينيسترلٸك "رەسپۋبليكا كٷنٸ" ازاماتتاردىڭ قاۋٸپسٸزدٸگٸ مەن تەرتٸپتٸ قامتاماسىز ەتۋگە بار كٷشٸن سالادى", - دەدٸ ول
