Ishki ister ministri Erlan Turǵymbaev IIM basshylyǵynyń, onyń qyzmetteriniń, sondai-aq politsiia, tótenshe jaǵdailar departamentteriniń, qylmystyq-atqarý júiesiniń jáne Ministrliktiń oqý oryndary basshylarynyń qatysýymen beineselektorlyq keńes ótkizdi, dep habarlaidy "Ult aqparat" Polisia.kz-ke silteme jasap.
Keńeske QR Densaýlyq saqtaý ministrligi Taýarlar men qyzmetterdiń sapasy men qaýipsizdigin baqylaý komiteti tóraǵasynyń orynbasary Nurqan Sádýaqasov shaqyryldy, ol koronavirýstyq infektsiianyń taralýynyń aldyn alý sharalary týraly aitty.
IIM basshysy koronavirýstyq infektsiianyń taralýyna bailanysty Ishki ister organdarynyń jeke quramy qyzmet atqarýdyń erekshe tártibine aýystyrylǵanyn atap ótti. Quqyq tártibin qamtamasyz etý boiynsha sharalar kúsheitildi, politsiia men Ulttyq ulannyń jaiaý jasaqtary kóbeitildi, sondai-aq strategiialyq jáne asa mańyzdy memlekettik obektilerdi kúzetý kúsheitildi. Kóp adamdardyń qatysýymen ótkiziletin kezdesýler men is-sharalar toqtatyldy, qyzmetkerlerdiń shetelge shyǵýy men qyzmettik issaparlary shekteldi. – Barlyq deńgeide IIM qyzmetteri men bólimshelerin Densaýlyq saqtaý organdarymen jedel jáne naqty úilestirýdi qamtamasyz etý qajet. Politsiia qyzmetkerleri, qutqarý qyzmeti jáne Ulttyq ulannyń áskeri qyzmetshileri qazirdiń ózinde karantindik is-sharalar kezinde meditsinalyq qyzmetterge tolyq jáne jan-jaqty kómek kórsetýde. Bul rette koronavirýstyq jaǵdaiy qolaisyz elderden kelgen azamattardy meditsinalyq mekemelerge alyp júrýdi júzege asyrýda, – dedi Erlan Turǵymbaev.
