Qazaqstan politseileri jol boiyndaǵy qozǵalysty retteý úshin alataiaqty qaita qoldana bastady, dep habarlaidy "Ult aqparat".
«Ishki ister ministrligi 1 qyrkúiekten bastap jol qozǵalysyn retteý úshin alataiaqty qoldanýǵa kóshedi. Aita ketý kerek, alataiaqtar tek jol qozǵalysyn retteý úshin, ásirese táýliktiń qarańǵy ýaqytynda jáne nashar kóriný jaǵdaiynda, sondai-aq: jol-kólik oqiǵalary jáne joldarda keptelis paida bolǵanda, onyń ishinde baǵdarshamdar isten shyqqanda; kólik quraldarynyń uiymdasqan kolonnalaryn alyp júrý kezinde; terrorizmge qarsy operatsiiany jáne (nemese) kúzet is-sharalaryn ótkizý ýaqytynda; tabiǵi jáne tehnogendik sipattaǵy tótenshe jaǵdailar men olardyń saldarlaryn boldyrmaý jáne (nemese) joiý kezinde qoldanylady», - delingen QR IIM aqparatynda.
Endi politseidiń ústinde sary tústi keýdeshe, jaryq shaǵylystyrǵysh qolǵap, sondai-aq alataiaq, jáne ysqyrǵysh bolady.
Ministrlik jol qaýipsizdiginiń saqtalýyn baqylaý kóbine avtomatty tirkeý júieleriniń kómegimen atqarylatynyn eske saldy.
«Búgingi kúni avtojoldardaǵy patrýldik politsiia jumysy tolyǵymen avtopatrýldeýge aýystyrylǵanyn atap ótý qajet. Iaǵni kólik quraldaryn toqtatý arnaiy jaryq-dybys signaldaryn jáne daýys zoraitqysh qurylǵylar paidalana otyryp, alataiaq qoldanbai, signal berý arqyly avtopatrýldeý rejiminde júzege asyrylatyn bolady. Politsiia qyzmetkeriniń kólik quraldaryn qolmen belgi berip toqtatýyna jol berilmeidi. Alataiaqtardy qoldanýǵa kóshý úshin biýdjetten qarjy talap etilmeidi. Óitkeni burynǵy alataiaqtar saqtalǵan», - dedi vedomstvodan.
Aita keteiik, buǵan deiin QR Ishki ister ministrligi politsiia qyzmetkerlerine alataiaqty qaitarý bastamasyn kótergen bolatyn. Bul rette, onyń tek jol qozǵalysyn retteý úshin qoldanylatyny aityldy.
