قازاقستان پوليتسەيلەرٸ جول بويىنداعى قوزعالىستى رەتتەۋ ٷشٸن الاتاياقتى قايتا قولدانا باستادى, دەپ حابارلايدى "ۇلت اقپارات".
«ٸشكٸ ٸستەر مينيسترلٸگٸ 1 قىركٷيەكتەن باستاپ جول قوزعالىسىن رەتتەۋ ٷشٸن الاتاياقتى قولدانۋعا كٶشەدٸ. ايتا كەتۋ كەرەك, الاتاياقتار تەك جول قوزعالىسىن رەتتەۋ ٷشٸن, ەسٸرەسە تەۋلٸكتٸڭ قاراڭعى ۋاقىتىندا جەنە ناشار كٶرٸنۋ جاعدايىندا, سونداي-اق: جول-كٶلٸك وقيعالارى جەنە جولداردا كەپتەلٸس پايدا بولعاندا, ونىڭ ٸشٸندە باعدارشامدار ٸستەن شىققاندا; كٶلٸك قۇرالدارىنىڭ ۇيىمداسقان كولوننالارىن الىپ جٷرۋ كەزٸندە; تەرروريزمگە قارسى وپەراتسييانى جەنە (نەمەسە) كٷزەت ٸس-شارالارىن ٶتكٸزۋ ۋاقىتىندا; تابيعي جەنە تەحنوگەندٸك سيپاتتاعى تٶتەنشە جاعدايلار مەن ولاردىڭ سالدارلارىن بولدىرماۋ جەنە (نەمەسە) جويۋ كەزٸندە قولدانىلادى», - دەلٸنگەن قر ٸٸم اقپاراتىندا.
ەندٸ پوليتسەيدٸڭ ٷستٸندە سارى تٷستٸ كەۋدەشە, جارىق شاعىلىستىرعىش قولعاپ, سونداي-اق الاتاياق, جەنە ىسقىرعىش بولادى.
مينيسترلٸك جول قاۋٸپسٸزدٸگٸنٸڭ ساقتالۋىن باقىلاۋ كٶبٸنە اۆتوماتتى تٸركەۋ جٷيەلەرٸنٸڭ كٶمەگٸمەن اتقارىلاتىنىن ەسكە سالدى.
«بٷگٸنگٸ كٷنٸ اۆتوجولدارداعى پاترۋلدٸك پوليتسييا جۇمىسى تولىعىمەن اۆتوپاترۋلدەۋگە اۋىستىرىلعانىن اتاپ ٶتۋ قاجەت. ياعني كٶلٸك قۇرالدارىن توقتاتۋ ارنايى جارىق-دىبىس سيگنالدارىن جەنە داۋىس زورايتقىش قۇرىلعىلار پايدالانا وتىرىپ, الاتاياق قولدانباي, سيگنال بەرۋ ارقىلى اۆتوپاترۋلدەۋ رەجيمٸندە جٷزەگە اسىرىلاتىن بولادى. پوليتسييا قىزمەتكەرٸنٸڭ كٶلٸك قۇرالدارىن قولمەن بەلگٸ بەرٸپ توقتاتۋىنا جول بەرٸلمەيدٸ. الاتاياقتاردى قولدانۋعا كٶشۋ ٷشٸن بيۋدجەتتەن قارجى تالاپ ەتٸلمەيدٸ. ٶيتكەنٸ بۇرىنعى الاتاياقتار ساقتالعان», - دەدٸ ۆەدومستۆودان.
ايتا كەتەيٸك, بۇعان دەيٸن قر ٸشكٸ ٸستەر مينيسترلٸگٸ پوليتسييا قىزمەتكەرلەرٸنە الاتاياقتى قايتارۋ باستاماسىن كٶتەرگەن بولاتىن. بۇل رەتتە, ونىڭ تەك جول قوزعالىسىن رەتتەۋ ٷشٸن قولدانىلاتىنى ايتىلدى.
