QR DSM sanitarlyq-epidemiologiialyq baqylaý komiteti tóraǵasynyń orynbasary Nurlybek Asylbekov Pfizer jáne BioNTech kompaniialarynyń jańa vaktsinasyn satyp alýǵa qatysty pikir bildirdi, dep habarlaidy "Ult aqparat".
«Ózderińiz bilesizder, bul jaiynda buqaralyq aqparat quraldarynda keshe ǵana jariialandy. Densaýlyq saqtaý ministrligi tarapynan bul másele shuǵyl túrde pysyqtalady. Osy baǵytta biz keshende qadamdardy eskerip otyrmyz, sebebi otandyq vaktsina bar, sondai-aq reseilik ári ózge de ekpeler tekserýden ótýde. Atalǵan vaktsina tirkeýlen ótkennen keiin, osy baǵytta tiisti sharalardy iske asyramyz. Bul rette Pfizer kompaniiasymen jáne teń quryltaishysymen qajetti jumystardy júrgizemiz», - dedi Asylbekov Ortalyq kommýnikatsiialar qyzmetinde.
Budan buryn habarlanǵandai, aldyn ala nátije kórsetkendei, ǵalymdar koronavirýstan 90% qorǵaityn tiimdi vaktsinany jasap shyǵardy.
Pfizer jáne BioNTech ázirleýshi kompaniialar bul oqiǵany ǵylym men adamzat úshin uly kún dep atady. Klinikalyq synaqtarǵa álemniń alty elinde 43500 adam qatysyp, onyń esh janama áseri bolmady. Ázirleýshiler jańa vaktsinany qarasha aiynyń sońynda qoldanyp kórmek. Sol úshin jedel sertifikattaý protsedýrasyna ótinish berýdi josparlap otyr
