© Photo: Prezidenttiń baspasóz qyzmeti
Prezident Qasym-Jomart Toqaev Astanada ótip jatqan Túrki memleketteri uiymynyń H sammitinde Qazaqstan tarapy Palestina halqyna kómek retinde 1 mln dollar beretinin aitty, dep habarlaidy "Ult aqparat" Aqordanyń baspasóz qyzmetine silteme jasap.
"Mediatsiianyń (Mediation) rólin arttyrý – ózekti másele. Qazir ainalamyzda kúrdeli ahýal qalyptasyp otyr.
Soltústikte Resei men Ýkraina, Taiaý Shyǵysta Izrail men Palestina arasynda qandy qaqtyǵys bolyp jatyr. Aýǵanstannyń jaǵdaiy da turaqsyz. Batysta zańsyz kóshi-qon máselesi ýshyǵyp tur. Búginde Gaza sektoryndaǵy beibit turǵyndar, ásirese, balalar jáne qarttar janjal azabyn shegýde. Olardyń qaýipsizdigin qamtamasyz etý – basty mindet. Osy oraida, Qazaqstannan Palestina halqyna 1 million dollar kóleminde gýmanitarlyq kómek berý týraly sheshim qabyldadym», - dedi Toqaev.
Memleket basshysy ondaǵan jyl boiy sheshimin tappaǵan ózekti máselelerdi zorlyq-zombylyq kórsetý jáne lańkestik ádister arqyly sheshý múldem durys emes ekenin aitty.
«Qazaqstan mundai tásilderdi qatań aiyptaidy. Ahýal ýshyǵyp ketse, onyń saldary tipti aýyr bolýy múmkin. Bul rette kez kelgen janjaldy beibit kelissóz jáne diplomatiialyq dialog arqyly ǵana sheshýge shaqyramyz. Biz úshin ár eldiń aýmaqtyq tutastyǵyn saqtaý jáne onyń ishki isine qol suqpaý – basty basymdyq. Halyqaralyq quqyq normalaryn saqtai otyryp, Birikken Ulttar Uiymy Qaýipsizdik Keńesiniń qararlaryn múltiksiz oryndaý mańyzdy», - dedi Prezident.
Eske salaiyq, búgin Astanada Túrki memleketteri uiymynyń H sammiti ótip jatyr.
Jiynǵa Túrkiia, Ázerbaijan, Ózbekstan, Qyrǵyzstan prezidentteri uiymǵa múshe memleket basshylary retinde, Majarstan Premer-ministri men Túrikmenstan basshysy baqylaýshy eldiń basshylary retinde qatysady.
