QR Mádeniet jəne sport ministri Arystanbek Muhamediuly Qazaqstan tarapynan Oskar syilyǵyna usynylǵan «Aika» filmi nege ótpei qalǵanyn túsindirdi, dep habarlaidy QazAqparat.
Ministrdiń atap ótýinshe, «Aika» kórkem filminiń rejisseri Sergei Dvortsevoi Qazaqstanda týyp ósken, alaida keiin Resei azamattyǵyn alǵan.
«Filmniń basty prodiýserleriniń biri - ol Qazaqstannyń azamattyǵy bar Gúlnár Sársenova, sonymen qatar basty rólde Samal Esliamova oinady. Iaǵni osy týyndyny qazaqstandyq dep aita alamyz. Biz filmdi Oskar syilyǵyna usynǵan kezde, bizdiń ótinim ótpei qaldy», - dedi A. Muhamediuly.
Onyń túsindirýinshe, bul máselede halyqaralyq talaptar óz yqpalyn tigizgen, iaǵni filmdegi akterlardyń 50 paiyzdan kóbi óndirýshi eldiń azamattyǵynda bolýy tiis.
«Osy oraida talaptardy saralaǵan kezde, Dvortsevoi Qazaqstan azamaty emes ekeni kórsetildi jáne qalǵandary filmdegi ilespe akterler. Onda tek Gúlnar Sársenova men Samal Esliamova Qazaqstan azamattary. Bul rette atalǵan normany eskere otyryp, bizdiń ótinimge qoldaý jasalmady. Halyqaralyq norma bolǵandyqtan, ony bizge ustaný kerek», - dedi ministr.
Budan buryn habarlanǵandai, búgin Parlament Májilisiniń jalpy otyrysynda «Kinematografiia týraly» zań jobasy birinshi oqylymda maquldandy.
Zań jobasyn tanystyrý barysynda Arystanbek Muhamediuly Qazaqstanda jumys isteýge nietti iri kinokompaniialardy atady.
Sonymen qatar ministr filmderdi qazaq tiline aýdarýdyń úsh nusqasyn usyndy.
