2021 jylǵy 1 qyrkúiektegi jaǵdai boiynsha Jer orbitasynda 4550 belsendi spýtnik bolǵan, dep habarlaidy QazAqparat Dewesoft zertteý tobynyń (UCS, ESRI jáne Space Foundation spýtnikteriniń mádimetter bazasynyń negizinde) statistikasyna silteme jasap.
Jer orbitasyndaǵy ǵarysh apparattarynyń sany boiynsha SpaceX kompaniiasy kósh bastap tur - 1655 spýtnik (36%).
«Ekinshi orynda 288 spýtnikpen OneWeb kompaniiasy, úshinshi orynda 188 apparatpen Planet kompaniia» delingen aqparattyq biýlletende.
Memleketter boiynsha AQSh-tyń orbitada spýtnikteri kóp – 2804 ǵarysh apparaty. Bul jalpy spýtnikter sanynyń jartysynan kóbi.
Ekinshi orynda - Qytai (467), úshinshi orynda - Ulybritaniia (349), tórtinshi – Resei (168).
Qazaqstan bul tizimde alty spýtnikpen 30-orynda. QR-nyń «Kazsat» eki bailanys spýtnigi, «KazEOSat» eki qashyqtan zondtaý spýtnigi men «KazSTSat» eki ǵylymi-tehnologiialyq spýtnigi bar.
Tómengi Jerge jaqyn orbitada 3 myńnan astam spýtnik bar – ádette munda bailanys jáne Jerdi qashyqtan zondtaý spýtnikteri ornalasqan.
Osy jerden Starlink, HǴS jáne Habbl ǵarysh teleskobyn tabýǵa bolady.
