Qazaqstan OPEK+ kelisimi boiynsha mindettemelerin oryndap otyr, dep habarlaidy "Ult aqparat" Energetika ministrligine silteme jasap.
Aita ketsek, buǵan deiin Oman munai ministri Muhammed ár-Rýmhi úsh memleket, onyń ishinde Qazaqstannyń kelisim boiynsha mindettemelerin oryndamaý qaýpi bar ekenin málim etken edi. Bul tuspalǵa qatysty QR Energetika ministrligi jaýap berdi.
«Qazaqstannyń munai óndirisi boiynsha aǵymdaǵy mindeti – táýligine 1,86 mln barrel. 2019 jyldyń 8 aiynyń qorytyndysy boiynsha, munai óndirisiniń táýliktik kólemi 1,796 mln barreldi kórsetti. Iaǵni, Qazaqstanda munai táýligine mindettemeden 64 myń barrelge az óndirilýde. 15 aidyń qorytyndysy boiynsha (2019 jyldyń qańtary men 2020 jyldyń naýryzy) ortasha táýliktik munai óndirisi táýligine 1,85 mln barreldi qurady. Osylaisha, Qazaqstan atalmysh kelisim boiynsha barlyq mindettemeni tolyǵymen oryndaýdy kózdeidi», - delingen habarlamada
Ministrliktiń málimetinshe, Qazaqstannyń óz mindettterin tolyq oryndaitynyn energetika vitse-ministri M.Júrebekov 12 qyrkúiekte OPEK+ (JMMC) Kelisiminiń Ministrlik monitoringtik komitetiniń 16-shy otyrysynda málim etken.
