OPEK+ kelisimine qatysýshy elderdiń ministrlikteriniń bul jolǵy kezdesýi videokonferentsiia formatynda ótti, dep habarlaidy "Ult aqparat" Energetika ministrliginiń baspasóz qyzmetine silteme jasap.
OPEK+ kezdesýine Qazaqstan tarapynan Energetika ministri Nurlan Noǵaev qatysty.
Nurlan Noǵaevtyń aitýynsha, OPEK+ kelisimi álemdik munai indýstriiasyna oń yqpalyn tigizedi. Suranys pen usynystyń tepe-teńdigin saqtap, munai men munai ónimderiniń naryǵyn turaqtandyrady.
Kezdesý nátijesinde 2021 jyldyń qańtar aiynda munai usynysyn OPEK+ elderiniń jalpy óndirý kóleminen táýligine 500 myń barrelge arttyrý týraly sheshim qabyldandy.
OPEK+ elderiniń jalpy shegi 2021 jyldyń qańtarynda negizgi deńgeiden táýligine 7,2 mln barreldi quraidy.
Qazaqstan úshin shekti deńgei - 2021 jyldyń qańtarynda táýligine 1,417 mln barrel.
Sonymen qatar 2021 jyldyń qańtar aiynan bastap qatysýshy elder munai naryǵyndaǵy qazirgi jaǵdaidy baqylaý jáne budan ári shekti deńgeiin anyqtaý úshin ministrlikterdiń kezdesýin ai saiyn ótkizýge kelisti.
