Qazaqstan Respýblikasynyń Qorǵanys ministri general-leitenant Nurlan Ermekbaev Úndistan Respýblikasyna resmi sapar jasady, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Úndistan qorǵanys ministri Radjnat Singhpen ótken kezdesý barysynda bitimgerlik, jaýyngerlik daiarlyq, kiberqaýipsizdik, áskeri bilim men ǵylym salasyndaǵy tájiribe almasý máseleleri talqylandy.
Úndistan Premer-Ministriniń ulttyq qaýipsizdik jónindegi keńesshisi Adjit Dovalmen óńirlik jáne jahandyq qaýipsizdik, qazirgi kezeńdegi qaýip-qaterler, lańkestikke, koronovirýs pandemiiasyna qarsy is-qimyl máselelerine qatysty pikir almasty.
Sapar aiasynda general-leitenant N.Ermekbaev birqatar áskeri bólimderdi aralap, ol jerde jaýyngerlik daiarlyqtyń, taktikalyq is-qimyldyń, áskerdi basqarý tásilderiniń erekshelikterimen tanysty.
