© AP Photo / Tony Gutierrez
Qazaqstan OPEK+ elderimen birge munai óndirisin qysqartýdy josparlap otyr, dep habarlaidy "Ult aqparat" Energetika ministrliginiń baspasóz qyzmetine silteme jasap.
Vedomstvo málimetinshe, Qazaqstan 2023 jyldyń mamyr aiynan bastap basqa OPEK+ elderimen birge munai óndirýdi óz erkimen táýligine 78 myń barrelge qysqartady. Óndiristi qysqartý osy jyldyń sońyna deiin jalǵasady.
Mundai sheshim 2022 jyldyń 5 qazanyndaǵy OPEK+ elderiniń 33-shi ministrlik kezdesýinde qabyldanǵan óndiristi qysqartýǵa qosymsha aldyn alý sharasy retinde qabyldandy.
"Saýd Arabiiasy, Birikken Arab Ámirlikteri, Irak, Kýveit jáne Oman siiaqty birqatar el óndiristi erikti túrde qysqartatynyn jariialady. Resei de 2023 jyldyń sońyna deiin óndiristi táýligine 500 myń barrelge qysqartatynyn málimdedi. Reseidi qospaǵanda, birqatar OPEK+ eli jariialaǵan qosymsha qysqartý táýligine 1,1 million barrelden asady dep baǵalandy", dep habarlady alianstaǵy derekkóz.
