Foto: TikTok
Qysqa beinerolikterdi jasaý jáne kórý boiynsha TikTok jetekshi platformasy jyl saiyn uiymdastyratyn #ÝchiteliaKazahstana baiqaýynyń qorytyndysyn jariialady, dep habarlaidy Ult.kz.
Biyl bastama tórtinshi ret ótkizilip, Qazaqstannyń barlyq óńirlerinen mektep muǵalimderin, kolledj oqytýshylaryn jáne joǵary oqý oryndarynyń professor-oqytýshylar quramyn biriktirdi. Baiqaý pedagogtardyń tsifrlyq ortada bilim berýdiń jańa formattaryn damytýdaǵy mańyzdy rólin aiqyndap, bilim berý úderisiniń qyzyqty, qoljetimdi ári zamanaýi bola alatynyn kórsetti.
Joba Qazaqstan Respýblikasynyń Oqý-aǵartý ministrligi men Qazaqstan Respýblikasy Ǵylym jáne joǵary bilim ministrliginiń qoldaýymen ótti. Salalyq vedomstvolarmen áriptestik bul bastamanyń elimizdegi tsifrlyq bilim berý kontentin damytýdaǵy strategiialyq mańyzyn jáne muǵalimderdiń osy úderistegi jetekshi ornyn aiqyn kórsetedi.
"Qazaqstan muǵalimderi" baiqaýy ótken tórt jyl ishinde TikTok platformasynda belsendi ári yqpaldy pedagogtar qaýymdastyǵy qalyptasty. Osy ýaqyt aralyǵynda qazaq jáne orys tilderinde shamamen 100 myńǵa jýyq tanymdyq beinerolik jariialandy. Kontent avtorlary qysqa formattyń kúrdeli taqyryptardy qarapaiym ári túsinikti tilmen jetkizýge, sondai-aq ártúrli jastaǵy aýditoriiany qyzyqtyrýǵa múmkindik beretinin is júzinde dáleldedi. Aldyńǵy jyldardyń jeńimpazdary — Botagóz Omarova, Haidar Mýrzahmetov, Baibolat Seidahan, Evgenii Solonitsyn jáne basqa da pedagogtar — kórermenderdiń keń qoldaýyna ie bolyp, olardyń beinerolikteri ondaǵan, tipti júzdegen myń qaralym jinady.
Baiqaý qorytyndysy boiynsha aýditoriiadan eń joǵary qoldaý tapqan, mazmuny sapaly, ádistemelik turǵydan qundy ári kreativti usynylǵan oqytý beineleriniń avtorlary anyqtaldy.
Baiqaý jeńimpazdary:
• Mirlan Djýsambaev (@physicsphenom), Taraz qalasyndaǵy jaratylystaný-matematika baǵytyndaǵy Nazarbaev Ziiatkerlik mektebiniń fizika páni muǵalimi. Ol óz beinerolikterinde kúrdeli fizikalyq qubylystardy kórneki tájiribeler men vizýaldy mysaldar arqyly túsindiredi. Akademiialyq bilim men praktikalyq kórsetilimdi ushtastyra otyryp, Mirlan fizikany keń aýditoriia úshin qoljetimdi ári qyzyqty pánge ainaldyrady. Onyń kontenti oqýshylar men stýdentterge ǵylymnan qoryqpai, pánge jańasha kózqaraspen qaraýǵa múmkindik beredi. 2024 jyldyń qorytyndysy boiynsha Mirlan «TikTok-ta úiren» nominatsiiasynyń jeńimpazy atandy.
• Mádi Raiymbek (@raiymbek.math), Shymkent qalasyndaǵy №25 mektep-gimnaziiasynyń matematika páni muǵalimi. Ol qazaq tilindegi beinerolikterinde logikalyq esepter men kúrdeli tapsyrmalardy sheshý joldaryn júieli ári túsinikti túrde usynady. Kontent oqýshylardyń analitikalyq oilaýyn damytýǵa baǵyttalǵan jáne baqylaý jumystary men emtihandarǵa daiyndalýda tiimdi kómek kórsetedi. Mádi matematikany kúizelissiz, praktikalyq ári ómirmen bailanysty pán retinde tanystyryp, oqýshylardyń qyzyǵýshylyǵyn arttyryp keledi.
• Ásem Rahimova (@rakhimovaassem), Taldyqorǵan qalasyndaǵy Nazarbaev Ziiatkerlik mektebiniń himiia páni muǵalimi. Pedagog kúrdeli himiialyq taqyryptardy mýzykalyq jáne kreativti formatta túsindirýimen erekshelenedi. Ásemniń eń tanymal beinerolikteri «APT» (ROSE & Bruno Mars) áni jáne «Bazovyi minimým» (SABI & Mia Boika) tregi negizinde jasalǵan. Ol himiialyq bailanystyń bazalyq uǵymdaryn qarapaiym tilmen jetkizip, negizgi printsipterdi meńgerý arqyly kez kelgen himiialyq reaktsiianyń logikasyn túsinýge bolatynyn kórsetedi. Bul tásil pándi oqýshylar úshin túsinikti ári este saqtaýǵa jeńil etedi.
TikTok kompaniiasynyń Túrkiia, Shyǵys Eýropa jáne Ortalyq Aziia boiynsha operatsiialyq bólim basshysy Melis Chaglar jobanyń mańyzyn atap ótti.
«"Qazaqstan muǵalimderi" baiqaýy pedagogtyń tsifrlyq dáýirdegi róliniń qalai ózgerip jatqanyn aiqyn kórsetedi. Búginde muǵalimder tek synypta bilim berýmen shektelmei, onlain keńistikte milliondaǵan qoldanýshylardy shabyttandyryp, aýditoriiamen ózara árekettesýdiń jańa tásilderin tabýda. Biz bul jobanyń jyl saiyn elimizdiń túkpir-túkpirinen kelgen talantty pedagogtardy biriktirip, olardyń shyǵarmashylyq áleýetin ashýǵa jáne bilim berý kontentin barshaǵa qoljetimdi ári qyzyqty etýge yqpal etip kele jatqanyna maqtanamyz».
Baiqaý qorytyndysy boiynsha árbir jeńimpaz TikTok qaýymdastyǵy úshin sapaly ári kásibi kontent jasaýǵa múmkindik beretin qundy syilyq — iPhone 17 smartfonymen marapattaldy.
