Qazaqstan mobildi internet jyldamdyǵy boiynsha álemdik reitingte Malaiziianyń aldyna shyǵyp, 80 orynǵa taban tiredi, dep habarlaidy "Ult aqparat".
Finprom.kz resýrsynyń jazýynsha, Qazaqstan mobildi internet jyldamdyǵy boiynsha Resei men Malaiziianyń adyna shyqqan. Bir jylda eldegi mobildi internet jyldamdyǵy 42% artqan.
Tipti sońǵy bir aidyń ózinde Qazaqstan pozitsiiasyn 5 pýnkt boiynsha, bir jylda birden 15 satyda jaqsaryp, 80-orynǵa taban tiregen.
«Mobildi internettiń jyldamdyǵy 30,18 Mbit/s-qa jetti. Ótken jyldyń maýsym aiynda 21,25 Mbit/s bolatyn. Jyldamdyqtyń artýy jylyna 42% quraidy. Aita ketý kerek, internet bailanysynyń jyldamdyǵy qatarynan tórtinshi aida údemeli qarqynmen ósip otyr», - dep jazady Finprom.kz.
TMD elderiniń ishinde Qazaqstanda mobildi internettiń jyldamdyǵy Resei, Qyrǵyzstan, Ózbekstan, Belarýs, Tájikstanǵa qaraǵanda joǵary. Sondai-aq, reitingte Malaiziia, Egipet, Úndistan, Venesýela siiaqty elderde de mobildi ineternettiń jyldamdyǵy Qazaqstannan tómen bolyp shyqqan.
Jalpy álem boiynsha mobildi internettiń ortasha jyldamdyǵy maýsym aiynda 55,34 Mbit/s bolǵan.
Eń jyldam internet BAÁ (193,51 Mbit/s), Ońtústik Koreia (180,48 Mbit/s) jáne Katar (171,76 Mbit/s) siiaqty elderde tirkelgen.
Al reitingtiń eń tómengi satysyndaǵy Aýǵanstanda mobildi internettiń qarqyny 7,37 Mbit/s.
