قازاقستان موبيلدٸ ينتەرنەت جىلدامدىعى بويىنشا ەلەمدٸك رەيتينگتە مالايزييانىڭ الدىنا شىعىپ, 80 ورىنعا تابان تٸرەدٸ, دەپ حابارلايدى "ۇلت اقپارات".
Finprom.kz رەسۋرسىنىڭ جازۋىنشا, قازاقستان موبيلدٸ ينتەرنەت جىلدامدىعى بويىنشا رەسەي مەن مالايزييانىڭ ادىنا شىققان. بٸر جىلدا ەلدەگٸ موبيلدٸ ينتەرنەت جىلدامدىعى 42% ارتقان.
تٸپتٸ سوڭعى بٸر ايدىڭ ٶزٸندە قازاقستان پوزيتسيياسىن 5 پۋنكت بويىنشا, بٸر جىلدا بٸردەن 15 ساتىدا جاقسارىپ, 80-ورىنعا تابان تٸرەگەن.
«موبيلدٸ ينتەرنەتتٸڭ جىلدامدىعى 30,18 مبيت/س-قا جەتتٸ. ٶتكەن جىلدىڭ ماۋسىم ايىندا 21,25 مبيت/س بولاتىن. جىلدامدىقتىڭ ارتۋى جىلىنا 42% قۇرايدى. ايتا كەتۋ كەرەك, ينتەرنەت بايلانىسىنىڭ جىلدامدىعى قاتارىنان تٶرتٸنشٸ ايدا ٷدەمەلٸ قارقىنمەن ٶسٸپ وتىر», - دەپ جازادى Finprom.kz.
تمد ەلدەرٸنٸڭ ٸشٸندە قازاقستاندا موبيلدٸ ينتەرنەتتٸڭ جىلدامدىعى رەسەي, قىرعىزستان, ٶزبەكستان, بەلارۋس, تەجٸكستانعا قاراعاندا جوعارى. سونداي-اق, رەيتينگتە مالايزييا, ەگيپەت, ٷندٸستان, ۆەنەسۋەلا سيياقتى ەلدەردە دە موبيلدٸ ينەتەرنەتتٸڭ جىلدامدىعى قازاقستاننان تٶمەن بولىپ شىققان.
جالپى ەلەم بويىنشا موبيلدٸ ينتەرنەتتٸڭ ورتاشا جىلدامدىعى ماۋسىم ايىندا 55,34 مبيت/س بولعان.
ەڭ جىلدام ينتەرنەت باە (193,51 مبيت/س), وڭتٷستٸك كورەيا (180,48 مبيت/س) جەنە كاتار (171,76 مبيت/س) سيياقتى ەلدەردە تٸركەلگەن.
ال رەيتينگتٸڭ ەڭ تٶمەنگٸ ساتىسىنداعى اۋعانستاندا موبيلدٸ ينتەرنەتتٸڭ قارقىنى 7,37 مبيت/س.
