Foto: ashyq derekkóz
Májilis Qazaqstan men Vetnam arasyndaǵy sottalǵan adamdardy berý týraly kelisimdi ratifikatsiialady. Qujatqa 2023 jyly 21 tamyzda Hanoida qol qoiyldy, dep habarlaidy "Ult aqparat".
Kelisim Vetnamda qylmys jasaǵany úshin sottalǵan qazaqstandyqtarǵa jazasyn Qazaqstanda óteýge múmkindik beredi. Bul sottalǵandardy ońaltý jáne óz ultynyń qoǵamyna integratsiialaý úshin qolaily jaǵdai týǵyzady. Vetnamdyqtar da osyndai múmkindikke ie bolady.
Biyl mamyr aiynan bastap qazaqstandyqtar úshin Vetnammen týristik viza alynyp tastaldy. Sondyqtan bul elge týrister aǵynynyń ósý dinamikasy boljanyp otyr. Bul rette qazaqstandyq týristerdiń quqyq buzýshylyq jasaýy múmkin ekenin de joqqa shyǵarýǵa bolmaidy.
Qazirdiń ózinde 23 memleketpen osyndai kelisim jasalǵan. Statistikalyq derekterge súiensek, sottalǵandardyń múddelerin qorǵaý salasyndaǵy halyqaralyq tájiribe oń nátije kórsetken. Ózge de kelisimderge sáikes, sońǵy tórt jylda 160 azamat Qazaqstanǵa, 260-tan astam sheteldik Qazaqstannan óz otanyna qaitarylǵan.
