2021 jylǵy 6 sáýirde saýda jáne integratsiia ministri Baqyt Sultanov eki eldiń saýda-ekonomikalyq yntymaqtastyǵy máselelerin talqylaý úshin Vengriianyń Syrtqy ister jáne syrtqy saýda ministri Peter Siiiartomen kezdesti, dep habarlaidy "Ult aqparat".
Búgingi tańda Vengriia Qazaqstan úshin Shyǵys Eýropadaǵy dástúrli mańyzdy jáne perspektivaly saýda seriktesi bolyp tabylady. Máselen, 2020 jyldyń qorytyndysy boiynsha saýda kólemi 9,7% - ǵa ósip, $111,8 mln qurady.
Baqyt Sultanovtyń pikirinshe, elder arasynda ártaraptandyrý qajettiligi týyndaidy. Qazaqstan tarapynan ózara saýda úshin birqatar usynystar jáne jalpy somasy $302 mln bolatyn 45 ónim ataýynan turatyn áleýetti taýarlar tizbesi usynyldy.
Sonymen qatar, Baqyt Sultanov Qazaqstanda suly, zyǵyr, kúnbaǵys jáne dárilik shópter ósirýge baǵyttalǵan organikalyq ónimderdiń 60-tan astam óndirýshisi bar ekenin habarlady. Kásiporyndardyń bir bóligi qazirgi ýaqytta EO ýákiletti organdarynda akkreditteýden ótýde.
Qazaqstan EO elderine jylyna 10 mln. eýroǵa organikalyq ónim eksporttaidy. Bul rette áleýet jylyna 200 mln. eýrodan astamdy quraidy. EO-da organikalyq ónimderdi tutyný jyl saiyn 20 milliard eýrodan asady.
Kelissózder barysynda tutynýshylardy qazaqstandyq jáne Vengerlik óndiris ónimderimen tanystyrý úshin onlain formatta saýda missiialaryn ótkizý múmkindigi qarastyryldy.
Budan basqa, Byhyt Sultanov Qazaqstannyń agroónerkásiptik kesheniniń áleýeti týraly habarlady, sondai-aq vengr tarapyna standarttar men ónim sapasyn ózara taný úshin taýarlardy ǵylymi zertteýge jáne sertifikattaýǵa qatysýdy usyndy.
Sondai-aq, vedomstvo basshysy kto jáne transshekaralyq saýda ortalyqtaryn (TsTT) qura otyryp, ulttyq taýar ótkizý júiesi jelisin qurý jónindegi josparlar týraly aityp berdi. Vengr tarapyna Vengr investitsiialaryn tartý úshin "Qorǵas" ShYHO áleýetin paidalaný, sondai-aq ony QHR naryǵyna kóterme-bólshek eksporttaý úshin alań retinde paidalaný usynyldy.
Sonymen qatar, taraptar ónerkásip salasyndaǵy yntymaqtastyq áleýetin, sý resýrstaryn basqarý salasyndaǵy yntymaqtastyqty, sondai-aq geologiia salasyndaǵy qyzyǵýshylyqty talqylady.
"Elder arasynda kólik servisteriniń tiimdiligin, shektes naryqtarǵa shyǵý úshin logistikalyq infraqurylymdy ózara paidalanýdy, sondai-aq birlesken jobalardy iske asyrýdy jolǵa qoiý qajet. Vengriia úshin bul Ortalyq Aziia men Qytai, al Qazaqstan úshin Shyǵys jáne Ortalyq Eýropa elderi", - dedi B. Sultanov.
Esterińizge sala keteiik, Qazaqstannyń tranzittik áleýetin Majarstan konteinerlik poiyzdar quramynda Qytaimen eksporttyq-importtyq ónimdi jerústi kóligimen jedel jetkizý úshin paidalanady (turaqty konteinerlik poiyzdar Sian, Shensi jáne basqa Qytai qalalarynan, sondai-aq Qazaqstan men Ýkraina arqyly keri baǵytta júredi).
Sonymen qatar, birlesken jobalardy iske asyrý maqsatynda Majar tarapyna Qazaqstan men Shyǵys Eýropa elderi arasyndaǵy saýdany damytý úshin Qazaqstan Respýblikasynyń Saýda ókildigin qurý usynyldy.
"Vengriia Konstitýtsiiasynda tamaq quramynda gendik modifikatsiialanǵan qospalar bolmaýy kerek dep jazylǵan. Sondyqtan biz Vengriiadan satyp alynǵan barlyq ónimderdiń qaýipsiz ekendigine kepildik bere alamyz. Biz sertifikattaý júiesin úilestirý qajet ekendigimen kelisemiz jáne biz Túrki keńesi elderi qoldanatyn sertifikattardy ózara printsip boiynsha tanýǵa daiynbyz", - dep atap ótti Vengriianyń Syrtqy ister jáne syrtqy saýda ministri Peter Siiiarto.
Sondai-aq, Majar tarapy elder arasyndaǵy saýdanyń ózara is-qimyly úshin qarjy bazasyn qamtamasyz etý qajet ekenin habarlady jáne Eýraziialyq Damý Bankine qabyldaý boiynsha qoldaý surady.
Kezdesý qorytyndysy boiynsha QR saýda jáne intgeratsiia ministri Baqyt Sultanov Qazaqstan ótken jyly óz astanasynda Túrki keńesiniń eýropalyq bólimshesin ashý arqyly Vengriianyń túrki álemine belsendi integratsiialanýyn qoldaitynyn atap ótti, sondai-aq Túrki Keńesindegi Majarstannyń baiqaýshy mártebesi Ortalyq Aziia elderimen, sondai-aq EO elderimen yntymaqtastyqqa oń áser etetinine senim bildirdi.
