2021 جىلعى 6 سەۋٸردە ساۋدا جەنە ينتەگراتسييا مينيسترٸ باقىت سۇلتانوۆ ەكٸ ەلدٸڭ ساۋدا-ەكونوميكالىق ىنتىماقتاستىعى مەسەلەلەرٸن تالقىلاۋ ٷشٸن ۆەنگرييانىڭ سىرتقى ٸستەر جەنە سىرتقى ساۋدا مينيسترٸ پەتەر سيييارتومەن كەزدەستٸ, دەپ حابارلايدى "ۇلت اقپارات".
بٷگٸنگٸ تاڭدا ۆەنگرييا قازاقستان ٷشٸن شىعىس ەۋروپاداعى دەستٷرلٸ ماڭىزدى جەنە پەرسپەكتيۆالى ساۋدا سەرٸكتەسٸ بولىپ تابىلادى. مەسەلەن, 2020 جىلدىڭ قورىتىندىسى بويىنشا ساۋدا كٶلەمٸ 9,7% - عا ٶسٸپ, $111,8 ملن قۇرادى.
باقىت سۇلتانوۆتىڭ پٸكٸرٸنشە, ەلدەر اراسىندا ەرتاراپتاندىرۋ قاجەتتٸلٸگٸ تۋىندايدى. قازاقستان تاراپىنان ٶزارا ساۋدا ٷشٸن بٸرقاتار ۇسىنىستار جەنە جالپى سوماسى $302 ملن بولاتىن 45 ٶنٸم اتاۋىنان تۇراتىن ەلەۋەتتٸ تاۋارلار تٸزبەسٸ ۇسىنىلدى.
سونىمەن قاتار, باقىت سۇلتانوۆ قازاقستاندا سۇلى, زىعىر, كٷنباعىس جەنە دەرٸلٸك شٶپتەر ٶسٸرۋگە باعىتتالعان ورگانيكالىق ٶنٸمدەردٸڭ 60-تان استام ٶندٸرۋشٸسٸ بار ەكەنٸن حابارلادى. كەسٸپورىنداردىڭ بٸر بٶلٸگٸ قازٸرگٸ ۋاقىتتا ەو ۋەكٸلەتتٸ ورگاندارىندا اككرەديتتەۋدەن ٶتۋدە.
قازاقستان ەو ەلدەرٸنە جىلىنا 10 ملن. ەۋروعا ورگانيكالىق ٶنٸم ەكسپورتتايدى. بۇل رەتتە ەلەۋەت جىلىنا 200 ملن. ەۋرودان استامدى قۇرايدى. ەو-دا ورگانيكالىق ٶنٸمدەردٸ تۇتىنۋ جىل سايىن 20 ميلليارد ەۋرودان اسادى.
كەلٸسسٶزدەر بارىسىندا تۇتىنۋشىلاردى قازاقستاندىق جەنە ۆەنگەرلٸك ٶندٸرٸس ٶنٸمدەرٸمەن تانىستىرۋ ٷشٸن ونلاين فورماتتا ساۋدا ميسسييالارىن ٶتكٸزۋ مٷمكٸندٸگٸ قاراستىرىلدى.
بۇدان باسقا, بىحىت سۇلتانوۆ قازاقستاننىڭ اگروٶنەركەسٸپتٸك كەشەنٸنٸڭ ەلەۋەتٸ تۋرالى حابارلادى, سونداي-اق ۆەنگر تاراپىنا ستاندارتتار مەن ٶنٸم ساپاسىن ٶزارا تانۋ ٷشٸن تاۋارلاردى عىلىمي زەرتتەۋگە جەنە سەرتيفيكاتتاۋعا قاتىسۋدى ۇسىندى.
سونداي-اق, ۆەدومستۆو باسشىسى كتو جەنە ترانسشەكارالىق ساۋدا ورتالىقتارىن (تستت) قۇرا وتىرىپ, ۇلتتىق تاۋار ٶتكٸزۋ جٷيەسٸ جەلٸسٸن قۇرۋ جٶنٸندەگٸ جوسپارلار تۋرالى ايتىپ بەردٸ. ۆەنگر تاراپىنا ۆەنگر ينۆەستيتسييالارىن تارتۋ ٷشٸن "قورعاس" شىحو ەلەۋەتٸن پايدالانۋ, سونداي-اق ونى قحر نارىعىنا كٶتەرمە-بٶلشەك ەكسپورتتاۋ ٷشٸن الاڭ رەتٸندە پايدالانۋ ۇسىنىلدى.
سونىمەن قاتار, تاراپتار ٶنەركەسٸپ سالاسىنداعى ىنتىماقتاستىق ەلەۋەتٸن, سۋ رەسۋرستارىن باسقارۋ سالاسىنداعى ىنتىماقتاستىقتى, سونداي-اق گەولوگييا سالاسىنداعى قىزىعۋشىلىقتى تالقىلادى.
"ەلدەر اراسىندا كٶلٸك سەرۆيستەرٸنٸڭ تيٸمدٸلٸگٸن, شەكتەس نارىقتارعا شىعۋ ٷشٸن لوگيستيكالىق ينفراقۇرىلىمدى ٶزارا پايدالانۋدى, سونداي-اق بٸرلەسكەن جوبالاردى ٸسكە اسىرۋدى جولعا قويۋ قاجەت. ۆەنگرييا ٷشٸن بۇل ورتالىق ازييا مەن قىتاي, ال قازاقستان ٷشٸن شىعىس جەنە ورتالىق ەۋروپا ەلدەرٸ", - دەدٸ ب. سۇلتانوۆ.
ەستەرٸڭٸزگە سالا كەتەيٸك, قازاقستاننىڭ ترانزيتتٸك ەلەۋەتٸن ماجارستان كونتەينەرلٸك پويىزدار قۇرامىندا قىتايمەن ەكسپورتتىق-يمپورتتىق ٶنٸمدٸ جەرٷستٸ كٶلٸگٸمەن جەدەل جەتكٸزۋ ٷشٸن پايدالانادى (تۇراقتى كونتەينەرلٸك پويىزدار سيان, شەنسي جەنە باسقا قىتاي قالالارىنان, سونداي-اق قازاقستان مەن ۋكراينا ارقىلى كەرٸ باعىتتا جٷرەدٸ).
سونىمەن قاتار, بٸرلەسكەن جوبالاردى ٸسكە اسىرۋ ماقساتىندا ماجار تاراپىنا قازاقستان مەن شىعىس ەۋروپا ەلدەرٸ اراسىنداعى ساۋدانى دامىتۋ ٷشٸن قازاقستان رەسپۋبليكاسىنىڭ ساۋدا ٶكٸلدٸگٸن قۇرۋ ۇسىنىلدى.
"ۆەنگرييا كونستيتۋتسيياسىندا تاماق قۇرامىندا گەندٸك موديفيكاتسييالانعان قوسپالار بولماۋى كەرەك دەپ جازىلعان. سوندىقتان بٸز ۆەنگرييادان ساتىپ الىنعان بارلىق ٶنٸمدەردٸڭ قاۋٸپسٸز ەكەندٸگٸنە كەپٸلدٸك بەرە الامىز. بٸز سەرتيفيكاتتاۋ جٷيەسٸن ٷيلەستٸرۋ قاجەت ەكەندٸگٸمەن كەلٸسەمٸز جەنە بٸز تٷركٸ كەڭەسٸ ەلدەرٸ قولداناتىن سەرتيفيكاتتاردى ٶزارا پرينتسيپ بويىنشا تانۋعا دايىنبىز", - دەپ اتاپ ٶتتٸ ۆەنگرييانىڭ سىرتقى ٸستەر جەنە سىرتقى ساۋدا مينيسترٸ پەتەر سيييارتو.
سونداي-اق, ماجار تاراپى ەلدەر اراسىنداعى ساۋدانىڭ ٶزارا ٸس-قيمىلى ٷشٸن قارجى بازاسىن قامتاماسىز ەتۋ قاجەت ەكەنٸن حابارلادى جەنە ەۋرازييالىق دامۋ بانكٸنە قابىلداۋ بويىنشا قولداۋ سۇرادى.
كەزدەسۋ قورىتىندىسى بويىنشا قر ساۋدا جەنە ينتگەراتسييا مينيسترٸ باقىت سۇلتانوۆ قازاقستان ٶتكەن جىلى ٶز استاناسىندا تٷركٸ كەڭەسٸنٸڭ ەۋروپالىق بٶلٸمشەسٸن اشۋ ارقىلى ۆەنگرييانىڭ تٷركٸ ەلەمٸنە بەلسەندٸ ينتەگراتسييالانۋىن قولدايتىنىن اتاپ ٶتتٸ, سونداي-اق تٷركٸ كەڭەسٸندەگٸ ماجارستاننىڭ بايقاۋشى مەرتەبەسٸ ورتالىق ازييا ەلدەرٸمەن, سونداي-اق ەو ەلدەرٸمەن ىنتىماقتاستىققا وڭ ەسەر ەتەتٸنٸنە سەنٸم بٸلدٸردٸ.
