Keshe Ankara qalasynda Qazaqstan Respýblikasy Premer-Ministriniń orynbasary Eraly Toǵjanov bastaǵan QR delegatsiiasy Túrkiia Respýblikasynyń Densaýlyq saqtaý ministri Fahrettin Kojamen kezdesý ótkizdi.
Qazaqstan Prezidenti Qasym-Jomart Toqaevtyń tapsyrmasy boiynsha, QR delegatsiiasy Qazaqstan men Túrkiia arasyndaǵy halyqaralyq áýeqatynasyn qalpyna keltirý máselesin talqylady.
Taraptar koronavirýs indetiniń taralýyna jol bermeý maqsatynda birlesken is-sharalar qabyldaýǵa jáne eki el arasyndaǵy yntymaqtastyqty nyǵaitýǵa ýaǵdalasty.
Sondai-aq, qazaqstandyq tarap Túrkiia Úkimetine pandemiia kezinde elimizge kórsetken izettilik kómegi úshin rizashylyǵyn bildirdi.
QR Densaýlyq saqtaý ministri Aleksei Tsoi túrik tarapyn COVID-19 indeti boiynsha elimizdegi qazirgi tańdaǵy jaǵdai týraly aqparattandyrdy. Ol Qazaqstandaǵy ahýal turaqtalǵanyn jáne baqylaýda ekendigin atap ótti.
Kelissózder nátijesi boiynsha TR Densaýlyq saqtaý ministri F.Koja atalǵan máseleni Túrkiianyń Koronavirýs indetimen qarsy kúres jónindegi ǵylym keńesiniń kelesi otyrysynyń kún tártibinde talqylaýǵa qaita shyǵaratynyna sendirdi, sondai-aq bul másele Qazaqstandaǵy oń dinamikanyń jalǵasýyn eskere otyryp, jýyq arada óz sheshimin tabatyndyǵyna senim bildirdi.
Sonymen qatar, 7 tamyzda Qazaqstan Syrtqy ister ministri Muhtar Tileýberdi Túrkiia Syrtqy ister ministri Mevliýt Chavýshoglýmen Qazaqstan men Túrkiia arasyndaǵy áýe reisterdi toqtata turý máselesi boiynsha telefon arqyly sóilesti.
Túrkiia Syrtqy ister ministri bul sheshim baýyrlas halyqtardyń ekijaqty qarym-qatynastaryna bailanysty emes ekenine jáne turaqty reisterdi qaita bastaý týraly sheshim TR Memlekettik komissiiasynyń kelesi otyrysynda qaralatynyna sendirdi.
Oǵan qosa, QR Syrtqy ister ministrligine Túrkiianyń Qazaqstandaǵy Elshisi Ýfýk Ekidji shaqyrylyp, túrik tarapynyń osyndai sheshimderi týraly Qazaqstan Úkimetin aldyn ala habardar etý ótinishi jetkizildi.
