Qazaqstan men Túrkiia arasyndaǵy áýe reisteriniń jiiligi qysqartylmaq. Bul týraly QR DSM Sanitarlyq-epidemiologiialyq baqylaý komitetiniń tóraiymy Aijan Esmaǵambetova aitty, dep habarlaidy "Ult aqparat".
Ortalyq kommýnikatsiialar qyzmetindegi brifing barysynda BAQ ókilderi komitet tóraiymynan: «Qandai jaǵdaida Densaýlyq saqtaý ministrligi Túrkiiamen aradaǵy áýe qatynasyn shekteý týraly usynysty vedostvoaralyq komissiiaǵa usyna alady?» dep suraǵan edi.
Osy rette Aijan Esmaǵambetova mundai usynys vedostvoaralyq komissiiaǵa berilgenin aitty.
«Túrkiiadaǵy epidemiologiialyq ahýal barynsha kúrdeli. Kún saiyn 50 myńnan astam jaǵdai tirkelip jatyr. Eger elimizdegi naýqastanýmen salystyratyn bolsaq, onda táýliktik kórsetkish 5,5 esege kóp. Sondyqtan da búgin vedomstvoaralyq komissiianyń otyrysynda Túrkiiaǵa áýe reisteriniń sanyn qysqartý týraly usynys engizildi. Qazirgi ýaqytta bul usynys qarastyrylyp jatyr», - dedi komitet tóraiymy.
