قازاقستان مەن تٷركييا اراسىنداعى ەۋە رەيستەرٸنٸڭ جيٸلٸگٸ قىسقارتىلماق. بۇل تۋرالى قر دسم سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا ايتتى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ بريفينگ بارىسىندا باق ٶكٸلدەرٸ كوميتەت تٶرايىمىنان: «قانداي جاعدايدا دەنساۋلىق ساقتاۋ مينيسترلٸگٸ تٷركييامەن اراداعى ەۋە قاتىناسىن شەكتەۋ تۋرالى ۇسىنىستى ۆەدوستۆوارالىق كوميسسيياعا ۇسىنا الادى?» دەپ سۇراعان ەدٸ.
وسى رەتتە ايجان ەسماعامبەتوۆا مۇنداي ۇسىنىس ۆەدوستۆوارالىق كوميسسيياعا بەرٸلگەنٸن ايتتى.
«تٷركيياداعى ەپيدەميولوگييالىق احۋال بارىنشا كٷردەلٸ. كٷن سايىن 50 مىڭنان استام جاعداي تٸركەلٸپ جاتىر. ەگەر ەلٸمٸزدەگٸ ناۋقاستانۋمەن سالىستىراتىن بولساق, وندا تەۋلٸكتٸك كٶرسەتكٸش 5,5 ەسەگە كٶپ. سوندىقتان دا بٷگٸن ۆەدومستۆوارالىق كوميسسييانىڭ وتىرىسىندا تٷركيياعا ەۋە رەيستەرٸنٸڭ سانىن قىسقارتۋ تۋرالى ۇسىنىس ەنگٸزٸلدٸ. قازٸرگٸ ۋاقىتتا بۇل ۇسىنىس قاراستىرىلىپ جاتىر», - دەدٸ كوميتەت تٶرايىمى.
