Maýsym aiynyń sońynda Qazaqstan jáne Túrkiia arasyndaǵy halyqaralyq reis qaita qalpyna keledi. Bul týraly Úkimet otyrysynda Indýstriia jáne infraqurylymdyq damý ministri Beibit Atamqulov málim etti, dep habarlaidy QazAqparat.
«Osy jyldyń 1 mamyrynan bastap Nur-Sultan jáne Almaty qalalarynan elimizdiń 20 qalasyna ishki áýe reisteri kezeń-kezeńimen jandandy. Qazirgi tańda 44 ishki baǵyt boiynsha aptasyna 349 reis oryndalýda. 188 myń áýe bileti satyldy. Sonymen qatar, halyqaralyq reisterdi kezeń-kezeńimen jandandyrý josparlanyp otyr. Osy maýsym aiynyń sońynda Qazaqstan jáne Túrkiia arasynda halyqaralyq reisti qaita ashý kózdelgen», - dedi ministr Úkimet otyrysynda.
Sonymen qatar epidemiialogiialyq jaǵdai ári qarai jaqsaryp jatsa, basqa elderge áýe qatynasyn ashý josparlanyp otyr.
