Qasym-Jomart Toqaev Qazaqstan men Tájikstannyń kópjaqty seriktestiginiń berik negizi sanalatyn joǵary deńgeidegi turaqty kezdesýlerge basa mán beretinin aitty. Bul týraly Aqordanyń baspasóz qyzmeti málim etti.
"Eń aldymen, ejelgi tájik jerine tabanym tigen sátten bastap kórsetken syi-qurmetińiz ben qonaqjailyq kóńilińiz úshin shyn júrekten rizashylyǵymdy bildiremin. Qazaqstan men Tájikstan arasyndaǵy qarym-qatynas barlyq baǵytta qarqyndy damyp keledi. Biz – senimdi odaqtas eldermiz. Qazaqstan tarapy Tájikstannyń qazaq halqyna degen tileýles nietin joǵary baǵalaidy. Biraq munymen toqtap qalýǵa bolmaidy. Biz alǵa qarai jyljýymyz kerek. Bul sapar – yntymaqtastyǵymyzdy damytýǵa tyń serpin berýdi kózdeidi. Búgin Odaqtastyq qatynastar týraly shartqa qol qoiylady. Menińshe, bul qujattyń tarihi mańyzy zor. Osy oraida birqatar ózekti másele boiynsha mazmundy pikir almasamyz dep oilaimyn", – dedi Qazaqstan Prezidenti.
Emomali Rahmon ekijaqty yntymaqtastyqty joǵary baǵalap, Qazaqstan men Tájikstannyń strategiialyq seriktestigin odan ári nyǵaitýǵa nietti ekenin málimdedi.
"Qurmetti Qasym-Jomart Kemeluly, Tájikstanǵa qosh keldińiz! Elimizge memlekettik saparmen kelgenińizge qýanyshtymyz. Bul sapar ekijaqty qarym-qatynasymyzǵa tyń serpin beretinine senimdimin. Saiasi, saýda-ekonomikalyq, mádeni-gýmanitarlyq jáne qaýipsizdik salalaryndaǵy yqpaldastyǵymyz qarqyndy damyp keledi. Sizben eki el yntymaqtastyǵynyń qazirgi jai-kúii men perspektivasyn, sondai-aq halyqaralyq jáne aimaqtyq kún tártibindegi máselelerdi talqylaýǵa ázirmin", – dedi Tájikstan Prezidenti.
Kelissóz barysynda saýda-ekonomikalyq, kólik-tranzit, energetikalyq, mádeni-gýmanitarlyq yntymaqtastyq, sondai-aq tsifrlandyrý, aýyl sharýashylyǵy men sý resýrstary salalaryndaǵy yqpaldastyq máseleleri talqylandy.
Budan bólek, Qazaqstan men Tájikstan ekonomikasyn damytýǵa tyń serpin beretin investitsiialyq jobalardy iske asyrýdyń perspektivalary qarastyryldy.
Qasym-Jomart Toqaev Tájikstan Respýblikasyna memlekettik saparmen barǵanyn jazǵan bolatynbyz.
