Qazaqstan reseilik «Rosatom» kompaniiasymen tek maman daiarlaý týraly memorandýmǵa qol qoiǵan. Ázirge elde salynýy yqtimal AES qai eldiń tehnologiiasy boiynsha salynatyny anyq emes. QR Energetika ministri Bolat Aqsholaqov ortalyq kommýnikatsiialar qyzmetinde ótken brifingide osyndai málimet aitty, dep habarlaidy QazAqparat.
«Álem boiynsha atom energetikasynyń tehnologiiasy Reseide ǵana emes. AQSh-ta, Eýropada, ásirese Frantsiiada jaqsy damyǵan. Japoniianyń Amerikamen birlesken kásiporyny bar. Ońtústik Koreiada, Qytaidyń ózinde de damyp jatyr. Sol sebepti bul suraqty áli zerttep qaraǵan joqpyz. Qazir atom stansasyn qai jerge ornalastyrý, oǵan sý jaǵynan, tektonika jaǵynan, jer silkinisi bolmaityn jerdi tańdaý boiynsha jumys júrip jatyr. Al tehnologiialar – ekinshi kezeńdegi suraq. Qai tehnologiiamen jumys isteitinimiz týraly naqty jaýap joq», - degen ministr reseilik «Rosatommen» bekitilgen memorandýmnyń mazmunyna toqtaldy.
«Biiz osy jylda reseilik «Rosatommen» memorandýmǵa qol qoidyq. Bul tek kadr daiyndaý úshin. Bizde ókinishke qarai, atom salasynyń mamandaryn daiarlaityn oqý oryndary joq. Eger AES salatyn bolsaq, árine, erteń onda jumys isteitin adamdar, mamandar kerek. Qazir sony daiarlaý kerek. Bir stansaǵa 2000-dei adam kerek, mysaly. Ol tek qana jumysshylar emes, jaqsy deńgeide daiyndyqtan ótken mamandar bolýǵa tiis. Olardy 4-5 jyl oqytý kerek. Odan keiin olar 2 jyldai tájiribeden ótedi», - dedi vedomstvo basshysy.
