Qazaqstan men Reseidiń XVII óńiraralyq yntymaqtastyq forýmynda QR Prezidenti Qasym-Jomart Toqaev eki elge ortaq ekologiialyq problemalarǵa toqtaldy, dep habarlaidy QazAqparat.
«Qurmetti formýǵa qatysýshylar, búgingi foýmnyń taqyryby - Ekologiia men jasyl damý salasyndaǵy áriptestik. Shynymen de, bul taqyryp mańyzdy ári keiinge ysyrýǵa bolmaityn sipat alyp keledi. Ózderińiz biletindei, Qazaqstan óz aýmaǵynda ǵana emes, búkil óńirdegi ekologiialyq ahýaldy jaqsartý boiynsha birqatar iri halyqaralyq jobalardy iske asyrdy. Bul – álemdegi iri iadrolyq polgondy jabý, Aral teńizin qorǵaý jáne Kaspiidi saqtaý boiynsha aýqymdy baǵdarlamalardy iske asyrý jobalary», - degen Prezident ekologiia men bioalýandyqty saqtaý máselelerine Qazaqstannyń úlken mańyz berip qaraitynyn eskertti.
«Qazaqstan men Reseidiń ekologiialyq problemalary óte uqsas. Bul – aýa men sýdyń, topyraq lastanýynyń joǵary deńgeii, radiatsiialyq jáne ónerkásiptik qaldyqtardyń qordalanýy. Kórshiles jatýymyzdy eskersek, bizdiń problemalar eki elge de ortaq deýge bolady», - dedi Memleket basshysy.
