Reseide qazaqstandyq joǵary jáne joǵary oqý ornynan keiingi bilim berý uiymdarynyń filialdary qurylady, dep habarlaidy "Ult aqparat" Úkimettiń baspasóz qyzmetine silteme jasap.
Uzaq merzimdi yntymaqtastyq ornatý jáne bilim berý sapasyn qamtamasyz etý, tehnikalyq baǵyttaǵy kadrlardy daiarlaý maqsatynda Qazaqstan Respýblikasynyń Úkimeti men Resei Federatsiiasynyń Úkimeti arasynda Resei Federatsiiasynda Qazaqstan Respýblikasynyń joǵary jáne joǵary oqý ornynan keiingi bilim berý uiymdarynyń filialdaryn jáne Qazaqstan Respýblikasynda Resei Federatsiiasynyń joǵary bilim beretin bilim berý uiymdarynyń filialdaryn qurý jáne olardyń jumys isteýi týraly Kelisimge qol qoiý týraly Qaýly qabyldandy.
Kelisimde eki eldiń zańnamasyna sáikes teń negizdegi filialdar qurylatyny kózdelgen. Kelisimdi iske asyrý aiasynda filialdardy ashý kezinde qosarlanǵan litsenziia alý júzege asyrylady. Oqytý bilim berý baǵdarlamalary sheńberinde filialdar ornalasqan eldiń tili men tarihyn mindetti túrde meńgerý arqyly, eki eldiń memlekettik tilderinde júrgizilýi múmkin. Filialdarda memlekettik baqylaý jáne akkreditteý Qazaqstan jáne Resei zańnamasyna sáikes iske asyrylatyn bolady.
