Qazaqstan men Resei arasynda jasyl ekonomika salysynda belsendi yntymaqtastyq bar. Bul týraly Qazaqstan men Reseidiń XVII Óńiraralyq yntymaqtastyq forýmyna QR Prezidenti Qasym-Jomart Toqaev aitty, dep habarlaidy QazAqparat.
«Qazaqstan men Resei arasynda jasyl ekonomika salysynda belsendi yntymaqtastyq júrip jatyr. Osy oraida elderdiń jańaratyn ári balamaly energetikany damytý úshin zor áleýeti bar. 2030 jylǵa qarai Qazaqstan jańaratyn energiia kózderin eldiń energiia balansynda qazirgi 3 paiyzdan 15 paiyzǵa deiin arttyrady. Ol úshin investorlarǵa jan-jaqty qoldaý kórsetip kelemiz», - Qasym-Jomart Toqaev.
Sonymen qatar Memleket basshysy elimiz jel energiiasynyń joǵary áleýetine ie ekenin atap ótti. Munymen qosa, bizdiń el «jasyl» sýteginiń joǵary eksporttyq áleýeti bar 8 eldiń qataryna enip otyr.
«Balamaly energetika salasynda jobalardy júzege asyrý óndiristik ári ǵylymi infraqurylymdy qurýdy, joǵary bilikti kadrlardyń bolýyn talap etetini aiqyn. Sondyqtan biz energetikalyq salada joǵary tehnologiialyq innovatsiialar boiynsha quzyret ortalyǵyn quryp jatyrmyz», - dedi Memleket basshysy.
