قازاقستان مەن رەسەي اراسىندا جاسىل ەكونوميكا سالىسىندا بەلسەندٸ ىنتىماقتاستىق بار. بۇل تۋرالى قازاقستان مەن رەسەيدٸڭ XVII ٶڭٸرارالىق ىنتىماقتاستىق فورۋمىنا قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«قازاقستان مەن رەسەي اراسىندا جاسىل ەكونوميكا سالىسىندا بەلسەندٸ ىنتىماقتاستىق جٷرٸپ جاتىر. وسى ورايدا ەلدەردٸڭ جاڭاراتىن ەرٸ بالامالى ەنەرگەتيكانى دامىتۋ ٷشٸن زور ەلەۋەتٸ بار. 2030 جىلعا قاراي قازاقستان جاڭاراتىن ەنەرگييا كٶزدەرٸن ەلدٸڭ ەنەرگييا بالانسىندا قازٸرگٸ 3 پايىزدان 15 پايىزعا دەيٸن ارتتىرادى. ول ٷشٸن ينۆەستورلارعا جان-جاقتى قولداۋ كٶرسەتٸپ كەلەمٸز», - قاسىم-جومارت توقاەۆ.
سونىمەن قاتار مەملەكەت باسشىسى ەلٸمٸز جەل ەنەرگيياسىنىڭ جوعارى ەلەۋەتٸنە يە ەكەنٸن اتاپ ٶتتٸ. مۇنىمەن قوسا, بٸزدٸڭ ەل «جاسىل» سۋتەگٸنٸڭ جوعارى ەكسپورتتىق ەلەۋەتٸ بار 8 ەلدٸڭ قاتارىنا ەنٸپ وتىر.
«بالامالى ەنەرگەتيكا سالاسىندا جوبالاردى جٷزەگە اسىرۋ ٶندٸرٸستٸك ەرٸ عىلىمي ينفراقۇرىلىمدى قۇرۋدى, جوعارى بٸلٸكتٸ كادرلاردىڭ بولۋىن تالاپ ەتەتٸنٸ ايقىن. سوندىقتان بٸز ەنەرگەتيكالىق سالادا جوعارى تەحنولوگييالىق يننوۆاتسييالار بويىنشا قۇزىرەت ورتالىعىن قۇرىپ جاتىرمىز», - دەدٸ مەملەكەت باسشىسى.
