QR Densaýlyq saqtaý ministrligi halyqty immýndaý jónindegi ulttyq konsýltativtik komissiiasynyń múshesi, meditsina ǵylymdarynyń doktory, professor Jannat Satybaldieva Qazaqstanda shyǵarylǵan «Spýtnik V» vaktsinasyna kúmán keltirýge negiz joq ekenin aitty, dep habarlaidy QazAqparat.
«Bul turǵyda alańdaýǵa negiz joq. Birinshiden, vaktsinanyń negizgi komponenti – ol Reseide óndirilgen «Spýtnik V». Al Qaraǵandy farmatsevtikalyq keshende atqarylatyn kezeńderge toqtalsaq, flakondarǵa quiý, bólshektep ólsheý men basqa da jumystar qamtylǵan. Iaǵni, osynyń barlyǵy vaktsinanyń sapasyna áser etpeidi. Bul zaýyt akkredittelgen jáne tiisti óndiristik tájiribe talaptaryna sáikes keledi», - dedi Satybaldieva vaktsina taqyrybyna arnalǵan onlain talqylaý barysynda.
Osy oraida ol atalǵan zaýyt zamanaýi tehnologiialarmen jumys isteitinin atap ótti.
«Bul turǵyda alańdap kerek emes. Sebebi ol biologiialyq sipattaǵy dárilik preparattarmen jumys isteý úshin arnalǵan. Bul óz kezeginde koronavirýsqa qarsy vaktsina shyǵarýǵa laiyqty keshen. Zaýyt joǵary sapaly jabdyqtarmen qamtamasyz etilgen. Sondyqtan sapa boiynsha eshqandai aiyrmashylyq joq. Osy oraida tehnologiialar transferi eskerilgen jáne mundai yntymaqtastyqqa qoldaý bildirgen jón», - dedi ǵalym.
