Foto: instagram.com/polisia_kostanay
Politseiler Qazaqstan men Resei shekarashylary arasyndaǵy qaqtyǵys týraly jalǵan video avtoryn anyqtady, - dep habarlaidy "Ult aqparat" Qostanai oblysynyń Politsiia departamentine silteme jasap.
"Áleýmettik jelilerde Qostanai oblysynyń shekarasyndaǵy áskeri qyzmetshilerdiń qaqtyǵysy týraly túsindirmesi bar áskeri kólik kolonnasynyń videosy taratyldy. Beinejazba «jalǵan» bolyp shyqty.
Politsiia qyzmetkerleri jedel-izdestirý is-sharalaryn júrgizý kezinde Qostanai qalasynyń 52 jastaǵy turǵynyn anyqtap, ustady. Ol qasaqana áreket jasaǵany úshin kinásin moiyndady.
Er adam Qostanai aýmaǵynda ótip bara jatqan áskeri tehnika kolonnasyn kórip, videoǵa túsirgenin jáne bolyp jatqan oqiǵalar týraly jaǵdaiǵa dálelsiz túsinikteme bergenin aitty. Ol bul videony týystaryna, «Watsapp» messendjeriniń chatyna jibergen.
Osy derek boiynsha QR QK 274-baby 2-bóliginiń 3-tarmaǵy boiynsha «buqaralyq aqparat quraldaryn nemese telekommýnikatsiia jelilerin paidalana otyryp kórineý jalǵan aqparat taratý» boiynsha sotqa deiingi tergeý bastaldy" - delingen habarlamada.
Politsiia jalǵan aqparat taratqany úshin qylmystyq jáne ákimshilik jaýapkershilik bar ekenin jáne azamattardy málimetterdi taratpas buryn olardyń durystyǵyn tekserýge shaqyrdy. Bul qaýesetterge boi aldyrmaý jáne naqty emes oqiǵalardyń ainalasynda dúrbeleń týǵyzbaý kerek.
