Foto:gov.kz
Úkimette Premer-ministr Oljas Bektenov Resei Federatsiiasynyń premer-ministri Mihail Mishýstinmen kezdesti, dep habarlaidy Ult.kz.
Qazaqstan-Resei basshylary ótken jyly iske asqan jobalardy talqylaǵan.
“Sizderdi Qazaqstan-Resei memlekettik shekarasy týraly Sharttyń 20 jyl tolýymen quttyqtaimyn. Resei Qazaqstan úshin árdaiym negizgi strategiialyq seriktes ári senimdi dos bolyp qala bermek. Memleket basshylary Qasym-Jomart Kemeluly Toqaev pen Vladimir Vladimirovich Pýtinniń birlesken kúsh-jigeriniń arqasynda ekijaqty yntymaqtastyq sapaly jańa deńgeige kóterildi. Resei Prezidentiniń Qazaqstanǵa ótken jyldyń qarasha aiyndaǵy memlekettik sapary elderimiz arasyndaǵy qarym-qatynastyń odaqtastyq sipatyn taǵy da rastady”, – deidi Oljas Bektenov.
QR Premer-ministri eki el úkimetiniń mindeti – joǵary deńgeide qol jetkizilgen kelisimderdi tolyqqandy iske asyrý, sonyń ishinde ekijaqty saýda kólemin 30 milliard dollarǵa deiin ulǵaitý ekenin atap ótti.
Qazaqstan óńiraralyq jáne shekara mańyndaǵy ózara is-qimyldyń damýyna erekshe kóńil bóledi. Ýfada ótken mereitoilyq HH Óńiraralyq yntymaqtastyq forýmynyń qorytyndylaryn oń baǵalaimyz. Kelesi HHI Forým biyl Qazaqstannyń Oral qalasynda ótedi. Bul format jyldan jylǵa óziniń tiimdiligin dáleldep keledi jáne elderimizdiń óńirleri arasyndaǵy konstrýktivti dialog ornatýda bailanystyrýshy býyn bolyp otyr. Osy jyl túrli birlesken is-sharalar men ózara bailanystarǵa toly bolady dep senemin, – dedi Úkimet basshysy.
