QR Prezidenti Qasym-Jomart Toqaev Vladimir Pýtindi Resei Federatsiiasynyń Konstitýtsiiasyna ózgerister engizý jónindegi jalpyhalyqtyq daýys berýdiń nátijeli ótýimen quttyqtady. "Ult aqparat" bul týraly Aqordaǵa silteme jasap habarlaidy.
Memleket basshysy Reseidiń jańa tarihyndaǵy bul mańyzdy oqiǵa eldi odan ári damytýdyń jańa kezeńine jol ashyp, uzaq merzimdi damý strategiiasyn júzege asyrýdyń, memlekettilikti, egemendikti jáne ekonomikalyq ósimdi qorǵaýdyń berik negizin qalaǵanyn aitty. Sondai-aq halyqtyń Resei kóshbasshysyna joǵary deńgeide qoldaý kórsetkenin atap ótti.
Sonymen qatar Qasym-Jomart Toqaev Vladimir Pýtinge koronavirýs indetiniń taralýyna qarsy kúreste elimizge gýmanitarlyq kómek kórsetý maqsatymen der kezinde sheshim qabyldaǵany úshin rizashylyq bildirdi.
