Premer-Ministrdiń orynbasary Roman Skliar basqarǵan delegatsiia Reseige jumys saparymen bardy, dep habarlaidy "Ult aqparat" primeminister-ke silteme jasap.
Resei Úkimeti ókilderimen kezdesýlerde ónerkásiptik kooperatsiianyń ózekti máseleleri, barlyq klinikalyq synaqtar ótkizilgen jaǵdaida halyqty tegin jáne erikti túrde immýndaý úshin COVID-19 vaktsinasyn satyp alý jáne qoldaný máseleleri talqylandy. Osylaisha, Roman Skliar ónerkásiptik kooperatsiia jáne farmindýstriia salasyndaǵy yntymaqtastyq máseleleri boiynsha RF ónerkásip jáne saýda ministri Denis Mantýrovpen talqylaý ótkizdi. Taraptar Qazaqstan men Resei arasyndaǵy saýda-ekonomikalyq yntymaqtastyqty keńeitý eki memlekettiń strategiialyq áriptestiginiń sipatyna tolyq jaýap beretinin atap ótti. Kezdesý barysynda iri óndiristik kompaniialarmen: «KAMAZ» JAQ, «Peterbýrg traktor zaýyty» AQ, «EýroHim» MHK» AQ, «Hende Motor Manýfaktýring Rýs» JShQ jáne «GAZ» Grýppasymen birlesken jobalardy iske asyrý kezeńderi talqylandy.
