Orynbor qalasynda Irikla sý qoimasynyń jumys rejimin retteý jónindegi vedomstvoaralyq jumys tobynyń otyrysy aiasynda Qazaqstan Respýblikasy Ekologiia, geologiia jáne tabiǵi resýrstar vitse-ministri Serik Qojaniiazov jáne Federaldyq sý resýrstary agenttiginiń basshysynyń orynbasary Vadim Nikanorov arasynda ekijaqty kezdesý ótti.
Bul týraly QR Ekologiia, geologiia jáne tabiǵi resýrstar ministrliginiń Telegram kanalynda habarlandy.
Kezdesý barysynda taraptar Jaiyq ózeni basseinindegi jaǵdai men gidrologiialyq boljamdy eskere otyryp, Irikla sý qoimasynyń josparlanǵan jumys kestesin talqylady.
Jaiyq ózeniniń aǵynyn jedel baqylaýdy qamtamasyz etý maqsatynda taraptar Irikla, Aqtóbe jáne Qarǵala sý qoimalarynyń jumys rejimderi týraly málimettermen kúndelikti almasyp otyrýǵa kelisti.
Sonymen qatar, taraptar 2020 jylǵy qazan aiynda Transshekaralyq sý nysandaryn birlesip paidalaný jáne qorǵaý jónindegi Qazaqstan-Resei birlesken komissiiasynyń 28-shi otyrysynda bekitilgen Jaiyq, Ertis jáne basqa ózenderdiń basseinderinde zertteýler júrgizý boiynsha biryńǵai jol kartasynyń is-sharalaryn júzege asyrý barysyn talqylady.
Talqylaý nátijesinde aldyn-ala zertteý derekterimen almasý jáne Biryńǵai jol kartasynyń sharalaryn iske asyrý boiynsha, odan ári jumystardy anyqtaý úshin taraptardyń sarapshylarynyń kezdesýin jaqyn arada ótkizý týraly sheshim qabyldandy.
