Foto uralskweek.kz
Jaiyq ózenin qalpyna keltirý, ekojúiesin saqtaý - reseilik-qazaqstandyq yntymaqtastyq baǵdarlamasy aiasynda júzege asyrylyp jatqan halyqaralyq jobanyń negizgi maqsaty, - dep habarlaidy Tengrinews.kz tilshisi RG-ge silteme jasap.
Basylym málimetinshe, joba aiasynda sý problemalary institýtynyń ǵalymdary ózen aǵynyn retteý saldaryn ekologiialyq baǵalaýmen ainalysady, sondai-aq Jaiyq ózenin ekologiialyq ońaltý jáne onyń basseininde sýdy turaqty paidalaný boiynsha usynystar ázirleidi.
Negizgi mindetterdiń biri - Jaiyqtyń sý resýrstary áleýetin naqtylaý jáne qaýipti gidrologiialyq qubylystardyń, sý tasqynynyń paida bolý mehanizmderin zertteý. Ǵalymdar sý resýrstaryn basqarý rejimderin jáne olardyń ózen ekologiiasyna áserin taldaidy. Joǵary ekologiialyq qaýipti ýchaskelerdi anyqtap, Jaiyq ózeni basseinindegi ózen, kól, sý qoimasy, toǵandar sýynyń sapasyn baǵalaý qajet.
Jaiyq - Resei men Qazaqstan aýmaǵy arqyly ótetin iri transshekaralyq ózenderdiń biri. Onyń basseininde iri ónerkásiptik ortalyqtar ornalasqan jáne ózen sýy arqyly aýqymdy aýylsharýashylyq óndirisi men sýarmaly eginshilik damyp jatyr, jaǵasynda shamamen 4 million adam turady.
