Keshe qazaqstandyq delegatsiia Polshanyń aviatsiialyq biligimen kelissózder júrgizdi, – dep habarlaidy QR Indýstriia jáne infraqurylymdyq damý ministrliginiń baspasóz qyzmeti.
Memleket basshysynyń tapsyrmasyna sáikes engizilgen «ashyq aspan» rejimi aiasynda eki el arasynda qatynaityn reister ulǵaitylatyn boldy. Qazirgi ýaqytta olardyń sany aptasyna 4 ret bolsa, endi 14-ke jetkiziledi.
Atap aitqanda, Nur-Sultan-Varshava baǵyty kúndelikti reis bolady, sondai-aq Varshava-Almaty baǵytyna aptasyna 7 ret qatynaidy. Kelissózderdiń qorytyndysy boiynsha «LOT Polish Airlines» áýe kompaniiasy 2020 jyldyń jazynan bastap Varshava-Nur-Sultan baǵytyndaǵy reister sanyn aptasyna 4-ten 7-ge deiin arttyratyn boldy.
Sonymen qatar aldaǵy jyly Almatyǵa turaqty reister ashpaqshy. Polshanyń áýe kompaniiasy Shymkentke de reister ashýdy josparlap otyr.
