Májilis Tóraǵasy Nurlan Nyǵmatýlin Qazaqstan men Ózbekstan arasyndaǵy parlamentaralyq bailanystardyń jańa deńgeige kóterilgenin atap ótti, dep habarlaidy "Ult aqparat" Májilistiń baspasóz qyzmetine silteme jasap.
Ózbekstanǵa jasaǵan resmi sapary barysynda Májilis Tóraǵasy Qazaqstan men Ózbekstan parlamentshileri arasyndaǵy yntymaqtastyqty damytýdyń basym baǵyttaryn talqylap, Olii Majlisi Senat Tóraǵasy Nigmatilla Iýldashevpen kezdesti.
Kelissóz barysynda zańnamalyq tájiribe almasý maqsatynda yntymaqtastyqty jandandyrý týraly kelisimder jasaldy.
Májilis Tóraǵasy ózbekstandyq áriptesin aǵymdaǵy jylǵy 23-24 qyrkúiekte Elordamyz Nur-Sultan qalasynda ótetin «Úlken Eýraziia: Dialog. Senim. Seriktestik» atty Eýraziia elderi parlamentteri tóraǵalarynyń IV Keńesine qatysýǵa shaqyrdy.
N.Nyǵmatýlinniń aitýynsha, forýmǵa Ózbekstan parlamentshileriniń qatysýy ekijaqty yntymaqtastyqtyń joǵary deńgeiiniń taǵy bir dáleli bolmaq.
Búgin Májilis Tóraǵasy Sheteldik eldermen etnos aralyq jáne dostyq qarym-qatynastar komitetinde birqatar kezdesýler ótkizip, Ózbekstandaǵy qazaq ulttyq ortalyǵynyń ókilderimen kezdesti.
Qazirgi ýaqytta komitette 34 dostyq qoǵamy, 138 ulttyq mádeni ortalyq bar.
Taraptar Qazaqstan men Ózbekstan arasyndaǵy kóp jaqty yntymaqtastyqty odan ári tereńdetýge yqpal etetin Ózbekstandaǵy Qazaqstan jyly boiynsha ótkiziletin sharalaraǵa nazar aýdardy.
