Almatyda «Altyn sharshy» jańa týristik marshrýt ashyldy. Bul marshrýt eki eldiń kóne qalalaryn basyp ótpek, dep habarlaidy "Ult aqparat".
Atap aitqanda, týrister biregei tarihi jádigerler saqtalǵan Nur-Sultan, Almaty, Túrkistan, Otyrar, Taraz, Shymkent, Tashkent, Samarqan, Buqara, Hiýa siiaqty qalalardy aralaityn bolady.
Bul joba qos eldiń týristik múmkindigin arttyrýǵa, atalǵan aimaqtarǵa investitsiia tartýǵa kózdelgen.
Atalǵan marshrýt Reseidegi «Altyn saqina» siiaqty jobanyń balamasy bolmaq.
«Menińshe jylyna 20 mln týrist tartyp jatqan «Altyn saqinanyń» Orta Aziiadaǵy balamasy shyqty», - dedi «Ózbekstan» týristik brendiniń qurmetti elshisi Lázzat Ahanova.
Osy marshrýt boiynsha shaǵyn qonaq úiler, kóńil kóterý oryndaryn salý kerek. Alaida, bul suraqtardyń barlyǵy úkimetaralyq deńgeide sheshilýi tiis.
Ózbekstan Respýblikasynyń Qazaqstandaǵy tótenshe jáne ókiletti elshisi Saidikram Niiazhodjaevtyń aitýynsha, eki el basshylary arasynda ornyqqan senimdi qatynas arqasynda qos elge baratyn týrister sany birneshe ese artqan.
Ózbekstanda qazir 86 elmen vizasyz qatynas ornatylǵan.
«Territoriiamyzda tarihi jáne mádeni eskertkishterimiz óte kóp. Osy múmkindikti paidalanyp, sheteldikterdi bizdiń mádenietimizben tanystyrý kerek», - dedi ol.
Osy joba aiasynda musylmandar arasynda kishi qajylyq siiaqty kieli týrizm, meditsinalyq týrizm, ekotýrizm, óndiristik týrizm, art týrizm damytý kózdelgen.
Sonymen qatar elshiniń aitýynsha, Shymkentten Tashkentke deiin temirjol salý kózdelip otyr.
«Ózbekstan jaǵynan bul másele sheshimin tapty. Júrdek jol Shymkent-Tashkent, Tashkent-Samarqan baǵytynda bolmaq. Sonymen qatar, Qyzylorda men Naýai arasynda avtomobil jáne temir jol salýdy usynyp otyrmyz»- dedi S.Niziahodjaev.
«Altyn sharshy» týrlary biyl testilik jobadan soń satyla bastaidy.
Ózbekstan Respýblikasynyń Qazaqstandaǵy bas konsýly Abror Fathýllaevtyń aitýynsha, týristerdiń aǵynyna yńǵaily bolý úshin Shengen vizasyna balama - Silk Visa engiziletin bolady. Bul vizaǵa keiin basqa elder de qosylatyn bolady.
