الماتىدا «التىن شارشى» جاڭا تۋريستٸك مارشرۋت اشىلدى. بۇل مارشرۋت ەكٸ ەلدٸڭ كٶنە قالالارىن باسىپ ٶتپەك, دەپ حابارلايدى "ۇلت اقپارات".
اتاپ ايتقاندا, تۋريستەر بٸرەگەي تاريحي جەدٸگەرلەر ساقتالعان نۇر-سۇلتان, الماتى, تٷركٸستان, وتىرار, تاراز, شىمكەنت, تاشكەنت, سامارقان, بۇقارا, حيۋا سيياقتى قالالاردى ارالايتىن بولادى.
بۇل جوبا قوس ەلدٸڭ تۋريستٸك مٷمكٸندٸگٸن ارتتىرۋعا, اتالعان ايماقتارعا ينۆەستيتسييا تارتۋعا كٶزدەلگەن.
اتالعان مارشرۋت رەسەيدەگٸ «التىن ساقينا» سيياقتى جوبانىڭ بالاماسى بولماق.
«مەنٸڭشە جىلىنا 20 ملن تۋريست تارتىپ جاتقان «التىن ساقينانىڭ» ورتا ازيياداعى بالاماسى شىقتى», - دەدٸ «ٶزبەكستان» تۋريستٸك برەندٸنٸڭ قۇرمەتتٸ ەلشٸسٸ لەززات احانوۆا.
وسى مارشرۋت بويىنشا شاعىن قوناق ٷيلەر, كٶڭٸل كٶتەرۋ ورىندارىن سالۋ كەرەك. الايدا, بۇل سۇراقتاردىڭ بارلىعى ٷكٸمەتارالىق دەڭگەيدە شەشٸلۋٸ تيٸس.
ٶزبەكستان رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ سايديكرام نييازحودجاەۆتىڭ ايتۋىنشا, ەكٸ ەل باسشىلارى اراسىندا ورنىققان سەنٸمدٸ قاتىناس ارقاسىندا قوس ەلگە باراتىن تۋريستەر سانى بٸرنەشە ەسە ارتقان.
ٶزبەكستاندا قازٸر 86 ەلمەن ۆيزاسىز قاتىناس ورناتىلعان.
«تەرريتورييامىزدا تاريحي جەنە مەدەني ەسكەرتكٸشتەرٸمٸز ٶتە كٶپ. وسى مٷمكٸندٸكتٸ پايدالانىپ, شەتەلدٸكتەردٸ بٸزدٸڭ مەدەنيەتٸمٸزبەن تانىستىرۋ كەرەك», - دەدٸ ول.
وسى جوبا اياسىندا مۇسىلماندار اراسىندا كٸشٸ قاجىلىق سيياقتى كيەلٸ تۋريزم, مەديتسينالىق تۋريزم, ەكوتۋريزم, ٶندٸرٸستٸك تۋريزم, ارت تۋريزم دامىتۋ كٶزدەلگەن.
سونىمەن قاتار ەلشٸنٸڭ ايتۋىنشا, شىمكەنتتەن تاشكەنتكە دەيٸن تەمٸرجول سالۋ كٶزدەلٸپ وتىر.
«ٶزبەكستان جاعىنان بۇل مەسەلە شەشٸمٸن تاپتى. جٷردەك جول شىمكەنت-تاشكەنت, تاشكەنت-سامارقان باعىتىندا بولماق. سونىمەن قاتار, قىزىلوردا مەن ناۋاي اراسىندا اۆتوموبيل جەنە تەمٸر جول سالۋدى ۇسىنىپ وتىرمىز»- دەدٸ س.نيزياحودجاەۆ.
«التىن شارشى» تۋرلارى بيىل تەستٸلٸك جوبادان سوڭ ساتىلا باستايدى.
ٶزبەكستان رەسپۋبليكاسىنىڭ قازاقستانداعى باس كونسۋلى ابرور فاتحۋللاەۆتىڭ ايتۋىنشا, تۋريستەردٸڭ اعىنىنا ىڭعايلى بولۋ ٷشٸن شەنگەن ۆيزاسىنا بالاما - Silk Visa ەنگٸزٸلەتٸن بولادى. بۇل ۆيزاعا كەيٸن باسقا ەلدەر دە قوسىلاتىن بولادى.
