QR Premer-Ministri Asqar Mamin Ózbekstan Respýblikasynyń (ÓR) aýyl sharýashylyǵy ministri Jamshid Hodjaevtyń jetekshiligimen kelgen delegatsiiany qabyldady, dep habarlaidy "Ult aqparat".
«Qazaqstannyń Tuńǵysh Prezidenti – Elbasy Nursultan Nazarbaev pen Ózbekstan Prezidenti Islam Karimovtyń kúsh-jigeriniń arqasynda bizdiń elderimizdiń arasyndaǵy yntymaqtastyq sapalyq turǵyda jańa deńgeige shyqty. Memleket basshysy Qasym-Jomart Toqaev Ózbekstanmen strategiialyq seriktestikti odan ári nyǵaitý baǵytyn jalǵastyrýda», — dedi A. Mamin.
Premer-Ministr agroónerkásiptik keshen ónimderin ózara jetkizýdi arttyrý, investitsiialyq jobalardy birlesip júzege asyrý jáne úshinshi elderdiń naryǵyna shyǵý úshin edáýir áleýettiń bar ekenin atap ótti.
Biyl 9 aida QR jáne ÓR arasyndaǵy aýyl sharýashylyǵy shikizaty óńdelgen ónimderi men aýyl sharýashylyǵy ónimderiniń taýar ainalymy $770 mln-ǵa jýyqtady. Qazaqstannyń Ózbekstanǵa eksportynyń negizgi kólemi bidai men meslinge, bidai nemese bidai-qara bidai unyna, kunbaǵys dánine, qantqa, iri qara malǵa, bidai qaldyǵyna tiesili. Ózbekstan Qazaqstanǵa negizinen shie men qyzyl shie, balǵyn júzim, órik, qyzanaq, shabdaly, qurma, kókónis eksporttaidy.
Kelissózder qorytyndysy boiynsha Úkimet basshysynyń qatysýymen eki eldiń aýyl sharýashylyǵy ministrleri QR men ÓR arasynda aýyl sharýashylyǵy salasynda ortasha merzimdi prespektivaǵa yntymaqtastyqty jandandyrý jónindegi Jol kartasyna qol qoidy.
Qujat aýyl sharýashylyǵy ǵylymy, óndiris, sertifikattaý, saýda, tsifrlandyrý, veterinariia jáne mal sharýashylyǵy, ósimdikter karantini salalarynda 2019-2024 jyldary ózara is-qimyldy damytý sharalaryn qamtidy.
