قر پرەمەر-مينيسترٸ اسقار مامين ٶزبەكستان رەسپۋبليكاسىنىڭ (ٶر) اۋىل شارۋاشىلىعى مينيسترٸ جامشيد حودجاەۆتىڭ جەتەكشٸلٸگٸمەن كەلگەن دەلەگاتسييانى قابىلدادى, دەپ حابارلايدى "ۇلت اقپارات".
«قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆ پەن ٶزبەكستان پرەزيدەنتٸ يسلام كاريموۆتىڭ كٷش-جٸگەرٸنٸڭ ارقاسىندا بٸزدٸڭ ەلدەرٸمٸزدٸڭ اراسىنداعى ىنتىماقتاستىق ساپالىق تۇرعىدا جاڭا دەڭگەيگە شىقتى. مەملەكەت باسشىسى قاسىم-جومارت توقاەۆ ٶزبەكستانمەن ستراتەگييالىق سەرٸكتەستٸكتٸ ودان ەرٸ نىعايتۋ باعىتىن جالعاستىرۋدا», — دەدٸ ا. مامين.
پرەمەر-مينيستر اگروٶنەركەسٸپتٸك كەشەن ٶنٸمدەرٸن ٶزارا جەتكٸزۋدٸ ارتتىرۋ, ينۆەستيتسييالىق جوبالاردى بٸرلەسٸپ جٷزەگە اسىرۋ جەنە ٷشٸنشٸ ەلدەردٸڭ نارىعىنا شىعۋ ٷشٸن ەدەۋٸر ەلەۋەتتٸڭ بار ەكەنٸن اتاپ ٶتتٸ.
بيىل 9 ايدا قر جەنە ٶر اراسىنداعى اۋىل شارۋاشىلىعى شيكٸزاتى ٶڭدەلگەن ٶنٸمدەرٸ مەن اۋىل شارۋاشىلىعى ٶنٸمدەرٸنٸڭ تاۋار اينالىمى $770 ملن-عا جۋىقتادى. قازاقستاننىڭ ٶزبەكستانعا ەكسپورتىنىڭ نەگٸزگٸ كٶلەمٸ بيداي مەن مەسلينگە, بيداي نەمەسە بيداي-قارا بيداي ۇنىنا, كۇنباعىس دەنٸنە, قانتقا, ٸرٸ قارا مالعا, بيداي قالدىعىنا تيەسٸلٸ. ٶزبەكستان قازاقستانعا نەگٸزٸنەن شيە مەن قىزىل شيە, بالعىن جٷزٸم, ٶرٸك, قىزاناق, شابدالى, قۇرما, كٶكٶنٸس ەكسپورتتايدى.
كەلٸسسٶزدەر قورىتىندىسى بويىنشا ٷكٸمەت باسشىسىنىڭ قاتىسۋىمەن ەكٸ ەلدٸڭ اۋىل شارۋاشىلىعى مينيسترلەرٸ قر مەن ٶر اراسىندا اۋىل شارۋاشىلىعى سالاسىندا ورتاشا مەرزٸمدٸ پرەسپەكتيۆاعا ىنتىماقتاستىقتى جانداندىرۋ جٶنٸندەگٸ جول كارتاسىنا قول قويدى.
قۇجات اۋىل شارۋاشىلىعى عىلىمى, ٶندٸرٸس, سەرتيفيكاتتاۋ, ساۋدا, تسيفرلاندىرۋ, ۆەتەرينارييا جەنە مال شارۋاشىلىعى, ٶسٸمدٸكتەر كارانتينٸ سالالارىندا 2019-2024 جىلدارى ٶزارا ٸس-قيمىلدى دامىتۋ شارالارىن قامتيدى.
