2019 jyldyń qańtar-jeltoqsan ailarynda Qazaqstan men Ózbekstan arasyndaǵy taýar ainalymy 2,75 mlrd AQSh dollaryn qurap, 2018 jylmen salystyrǵanda 10,6 paiyzdyq ósimdi kórsetip otyr, dep habarlaidy "Ult aqparat" Finprom.kz aqparat kózine silteme jasap.
Taýar ainalymynyń negizgi úlesin (72 paiyzy) eksport quraidy: 12 aidyń ishinde Qazaqstan Ózbekstanǵa 2 mlrd AQSh dollaryn quraityn taýarlar men qyzmetterdi usynǵan. Alaida jyldyq quldyraý bul baǵytta 8,7 paiyzdy qurap otyr. Óz kezeginde Ózbekstan importyn 771,2 mln AQSh dollaryna jetkizip, aldyńǵy jyldaǵy kórsetkishti 20,6 paiyzǵa ósire bilgen.
2019 jyldyń úshinshi toqsanynyń sońynda Qazaqstannyń Ózbekstan investorlarynyń aldyndaǵy syrtqy mindettemeleri 210,35 mln AQSh dollaryna jetip, 2018 jyldyń kórsetkishimen salystyrǵanda 14 paiyzǵa ósken. 2018 jyldyń úshinshi toqsanynyń sońynda mindettemeler somasy 184,6 mln AQSh dollaryna teńesken edi.
2020 jyldyń 1 naýryzy boiynsha Qazaqstanda ózbekstandyq ókilderdiń qatysýymen 1,154 myń zańger tulǵa, filial men ókildik jumys istep tur. Kóbinese barlyq kompaniia shaǵyn kásiporyndarǵa (bir iri biznesti eseptemegende) negizdelgen.
Qazirgi jumys istep turǵan kásiporyndardyń kóbi (74,4 paiyz) Qazaqstannyń úsh oblysynda jumys atqarýda. Olardyń 517,i Aqmola oblysynda, 189-y Aqtóbe oblysynda, 152-i Almaty oblysynda. Ózbek azamattarynyń kompaniialarynyń 61 paiyzy saýda, avtojóndeý, qurylys, sonymen qatar kásibi, ǵylymi jáne tehnikalyq salada eńbek etedi.
