2019 جىلدىڭ قاڭتار-جەلتوقسان ايلارىندا قازاقستان مەن ٶزبەكستان اراسىنداعى تاۋار اينالىمى 2,75 ملرد اقش دوللارىن قۇراپ, 2018 جىلمەن سالىستىرعاندا 10,6 پايىزدىق ٶسٸمدٸ كٶرسەتٸپ وتىر, دەپ حابارلايدى "ۇلت اقپارات" Finprom.kz اقپارات كٶزٸنە سٸلتەمە جاساپ.
تاۋار اينالىمىنىڭ نەگٸزگٸ ٷلەسٸن (72 پايىزى) ەكسپورت قۇرايدى: 12 ايدىڭ ٸشٸندە قازاقستان ٶزبەكستانعا 2 ملرد اقش دوللارىن قۇرايتىن تاۋارلار مەن قىزمەتتەردٸ ۇسىنعان. الايدا جىلدىق قۇلدىراۋ بۇل باعىتتا 8,7 پايىزدى قۇراپ وتىر. ٶز كەزەگٸندە ٶزبەكستان يمپورتىن 771,2 ملن اقش دوللارىنا جەتكٸزٸپ, الدىڭعى جىلداعى كٶرسەتكٸشتٸ 20,6 پايىزعا ٶسٸرە بٸلگەن.
2019 جىلدىڭ ٷشٸنشٸ توقسانىنىڭ سوڭىندا قازاقستاننىڭ ٶزبەكستان ينۆەستورلارىنىڭ الدىنداعى سىرتقى مٸندەتتەمەلەرٸ 210,35 ملن اقش دوللارىنا جەتٸپ, 2018 جىلدىڭ كٶرسەتكٸشٸمەن سالىستىرعاندا 14 پايىزعا ٶسكەن. 2018 جىلدىڭ ٷشٸنشٸ توقسانىنىڭ سوڭىندا مٸندەتتەمەلەر سوماسى 184,6 ملن اقش دوللارىنا تەڭەسكەن ەدٸ.
2020 جىلدىڭ 1 ناۋرىزى بويىنشا قازاقستاندا ٶزبەكستاندىق ٶكٸلدەردٸڭ قاتىسۋىمەن 1,154 مىڭ زاڭگەر تۇلعا, فيليال مەن ٶكٸلدٸك جۇمىس ٸستەپ تۇر. كٶبٸنەسە بارلىق كومپانييا شاعىن كەسٸپورىندارعا (بٸر ٸرٸ بيزنەستٸ ەسەپتەمەگەندە) نەگٸزدەلگەن.
قازٸرگٸ جۇمىس ٸستەپ تۇرعان كەسٸپورىنداردىڭ كٶبٸ (74,4 پايىز) قازاقستاننىڭ ٷش وبلىسىندا جۇمىس اتقارۋدا. ولاردىڭ 517,ٸ اقمولا وبلىسىندا, 189-ى اقتٶبە وبلىسىندا, 152-ٸ الماتى وبلىسىندا. ٶزبەك ازاماتتارىنىڭ كومپانييالارىنىڭ 61 پايىزى ساۋدا, اۆتوجٶندەۋ, قۇرىلىس, سونىمەن قاتار كەسٸبي, عىلىمي جەنە تەحنيكالىق سالادا ەڭبەك ەتەدٸ.
